భాజపావి ఎన్నికల వాగ్దానాలు మాత్రమే: మమతా
పశ్చిమబెంగాల్లో అసెంబ్లీ ఎన్నికలు సమీపిస్తున్నకొద్దీ ఆ రాష్ట్ర సీఎం మమతా బెనర్జీ భాజపాపై తనదైన శైలిలో విరుచుకుపడుతున్నారు. భాజపా నాయకులు ఎన్నికలు వచ్చినప్పుడు మాత్రం వాగ్దానాలు చేస్తారు..
కోల్కతా: పశ్చిమబెంగాల్లో అసెంబ్లీ ఎన్నికలు సమీపిస్తున్నకొద్దీ ఆ రాష్ట్ర సీఎం మమతా బెనర్జీ భాజపాపై తనదైన శైలిలో విరుచుకుపడుతున్నారు. భాజపా నాయకులు ఎన్నికలు వచ్చినప్పుడు మాత్రం వాగ్దానాలు చేస్తారు.. ఆ తర్వాత వాటిని పట్టించుకోకుండా మాయమవుతారు అని ఆరోపించారు. ఉత్తర బెంగాల్లో తేయాకు తోటల పునఃప్రారంభం గురించి హామీలు ఇచ్చి వాటిని నెరవేర్చలేదని విమర్శించారు. ఆమె మంగళవారం సామూహిక వివాహాల కార్యక్రమానికి హాజరైన అనంతరం విలేకరులతో మాట్లాడారు.
‘పశ్చిమబెంగాల్లో భాజపా ఎంపీలు అధిక భాగం ఉత్తరాది జిల్లాలకు చెందిన వారే ఉన్నా.. ఇక్కడి అభివృద్ధికి కేంద్ర ప్రభుత్వం చేసిందేమి లేదు. రాష్ట్రంలోని తేయాకు తోటలను పునఃప్రారంభించేలా చేస్తామని వారు లోక్సభ ఎన్నికలకు ముందు వాగ్దానాలు చేశారు. కానీ ఇప్పటివరకు ఇచ్చిన హామీని నిలబెట్టుకోలేదు. ఈ ప్రాంతం కోసం భాజపా నాయకులు ఏం చేయలేదు. ఒకవేళ ఏదైనా అభివృద్ధి చేస్తే ఏంటో వివరించాలి. మా ప్రభుత్వం పేదల పక్షపాతి. రైతులు, గిరిజనులకు ప్రాధాన్యత మా ప్రభుత్వంలోనే ఉంటుంది. రైతులకు, ప్రజలకు వ్యతిరేకంగా కేంద్రం ఎలాంటి నిర్ణయాలు తీసుకున్నా మేం వాటిని అనుమతించం’ అని మమతా వెల్లడించారు. ఈ సందర్భంగా ఆమె పలువురు తేయాకు తోటల పెంపకందారులకు భూమి పట్టాలను అందజేశారు.
కళాకారులతో.. ‘దీదీ’ నృత్యం
సామూహిక వివాహాల కార్యక్రమంలో పాల్గొన్న దీదీ.. సాంస్కృతిక నృత్య ప్రదర్శనలో పాల్గొని స్టెప్పులేశారు. ఎప్పుడూ కేంద్ర ప్రభుత్వం, ప్రతిపక్షాలపై విరుచుకుపడే మమతా ఈ కార్యక్రమంలో నృత్య ప్రదర్శనలో పాల్గొనడం అందరి దృష్టిని ఆకర్షించింది.
ఇదీ చదవండి
సీబీఎస్ఈ 10, 12 తరగతుల పరీక్షల తేదీలివే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
Hyderabad vs Lucknow: ఐపీఎల్లో చరిత్ర సృష్టించిన హైదరాబాద్.. రికార్డుల మీద రికార్డులు
-
అక్షయ తృతీయకు బంగారం కొంటున్నారా? నాణ్యతను గుర్తించండిలా..
-
వేసవి విహారానికి ఎక్కువగా సెర్చ్ చేసిన ప్రదేశాలు ఇవే..
-
నిహారికను ఫొటో తీసిన ప్రియదర్శి.. రెడ్ కలర్ డ్రెస్సులో కృతి
-
జపాన్లో ఖాళీగా 90 లక్షల ఇళ్లు..!
-
మమ్మల్ని సంజూ కంగారు పెట్టేశాడు.. అందుకే ఆ రియాక్షన్: దిల్లీ ఓనర్