కేంద్ర హోంమంత్రికి తెదేపా ఎమ్మెల్యే లేఖ

రేపల్లె: కేంద్ర హోంమంత్రి అమిత్‌ షాకు గుంటూరు జిల్లా రేపల్లె ఎమ్మెల్యే (తెదేపా) అనగాని సత్యప్రసాద్‌ లేఖ రాశారు. శాంతియుతంగా నిరసన తెలిపిన వారిని అక్రమంగా అరెస్టు చేస్తున్నారని లేఖలో పేర్కొన్నారు. ఉద్యమాన్ని అణచివేయాలని ప్రభుత్వం కుట్రలు చేస్తోందని పేర్కొన్నారు. నిరసన తెలిపేందుకు టెంట్లు వేసుకోవడానికి కూడా పోలీసులు అనుమతించడంలేదన్నారు. అమ్మవారి గుడికి వెళ్లే మహిళలను కూడా అడ్డుకొని పోలీసులు చితకబాదారని లేఖలో పేర్కొన్నారు. మహిళలను రాత్రి 8గంటల వరకు పోలీస్‌స్టేషన్లలో అక్రమంగా నిర్బంధించారన్నారు. ప్రభుత్వం పోలీసుల ద్వారా రాష్ట్రంలో భయానక వాతావరణం సృష్టించిందన్నారు.