Published : 11/02/2020 00:45 IST

చట్టం కాకుండానే ‘దిశ’ స్టేషన్లేంటి?:ఆదిరెడ్డి

రాజమహేంద్రవరం: సామాజిక మాధ్యమాల్లో తనపై అభ్యంతరకర పోస్టుల పట్ల తక్షణం విచారణ చేసి దోషులను శిక్షించాలని తెదేపా ఎమ్మెల్యే ఆదిరెడ్డి భవాని డిమాండ్‌ చేశారు. ఈ మేరకు పార్టీ నేతలతో కలిసి రాజమహేంద్రవరం ‘దిశ’ పోలీసు స్టేషన్‌లో ఫిర్యాదు చేశారు. అనంతరం ఎమ్మెల్యే మాట్లాడుతూ.. శాసనసభలో మద్యంపై తాను మాట్లాడిన అనంతరం సామాజిక మాధ్యమాల్లో అభ్యంతరకరంగా పోస్టులు పెట్టారని ఆగ్రహం వ్యక్తం చేశారు. దీనిపై స్పీకర్‌కు ఫిర్యాదు చేసి రెండు నెలలు గడుస్తున్నా ఇంత వరకు ఎలాంటి చర్యలు తీసుకోలేదని ఆవేదన వ్యక్తం చేశారు. దీంతో ‘దిశ’ పోలీసు స్టేషన్‌లో ఫిర్యాదు చేసినట్లు చెప్పారు.

అయితే, కేంద్రం ఇంకా చట్టాన్ని ఆమోదించనందున ప్రస్తుతానికి ఇంకా ‘దిశ’ కేసును నమోదు చేయలేమని పోలీసులు చెప్పారన్నారు. ఈ విషయంపై ఎమ్మెల్యే అభ్యంతరం వ్యక్తం చేశారు. చట్టాలు పూర్తికాకుండానే ప్రత్యేక పోలీసు స్టేషన్లతో మహిళలను మభ్యపెట్టేలా వైకాపా ప్రభుత్వం వ్యవహరిస్తోందని ఆదిరెడ్డి భవాని ఆగ్రహం వ్యక్తం చేశారు. ఎమ్మెల్యేతో పాటు మరో ఇద్దరు మహిళలు కూడా దిశ పోలీసు స్టేషన్‌లో ఫిర్యాదు చేశారు. ఇలా అయితే ‘దిశ’ పోలీసు స్టేషన్లలో సామాన్యులకు ఏం న్యాయం జరుగుతుందని మహిళా నేతలు ప్రశ్నించారు.


Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని