తెలంగాణకు కేంద్రం ఏంచేసిందో చెప్తాం: కిషన్‌రెడ్డి
కేంద్రం తెలంగాణకు ఏం చేసిందో వివరిస్తూ పూర్తి గణాంకాలతో నివేదిక తయారు చేస్తున్నట్లు కేంద్రమంత్రి కిషన్‌రెడ్డి తెలిపారు.
మహబూబ్‌నగర్‌, ఈనాడు డిజిటల్‌: కేంద్రం తెలంగాణకు ఏం చేసిందో వివరిస్తూ పూర్తి గణాంకాలతో నివేదిక తయారు చేస్తున్నట్లు కేంద్రమంత్రి కిషన్‌రెడ్డి తెలిపారు. భాజపా కార్యవర్గ సమావేశంలో ఆయనతో పాటు పార్టీ నేతలు తరుణ్‌ఛుగ్‌, ఎంపీ లక్ష్మణ్‌, డీకే అరుణ, ఈటల రాజేందర్‌, గరికపాటి మోహన్‌రావు, చింతల రామచంద్రారెడ్డి, యెండల లక్ష్మీనారాయణ, ప్రేమేందర్‌రెడ్డి మాట్లాడారు. కిషన్‌రెడ్డి మాట్లాడుతూ రాష్ట్రం సహకరించకుండా ఏ విధంగా అడ్డుకుంటుందో పవర్‌ పాయింట్‌ ప్రజంటేషన్‌ ద్వారా వివరిస్తామన్నారు. పవర్‌ ప్రాజెక్టులకు ఇచ్చే రుణాల్లో 16 శాతం తెలంగాణకే ఇచ్చామన్నారు. ఎస్సీ, ఎస్టీలకు స్కాలర్‌షిప్‌ ఇస్తుంటే భారాస విషప్రచారం చేస్తోందన్నారు. సైన్స్‌సిటీ ఏర్పాటుకు 25 ఎకరాలు ఇవ్వాలని లేఖ రాస్తే భాజపాకు పేరొస్తుందని స్థలం ఇవ్వడం లేదన్నారు. ఎంఎంటీఎస్‌ రెండోదశ విస్తరణకు రాష్ట్రం నిధులివ్వలేదన్నారు. సికింద్రాబాద్‌ స్టేషన్‌ ఎదురుగా భూసేకరణకు అడ్డం పెడుతోందన్నారు.
* రాచరికం మాదిరిగా రాష్ట్రంలో యువరాజు, యువరాణి పాలన చేస్తూ దోచుకుంటున్నారని తరుణ్‌ఛుగ్‌ విమర్శించారు.సెవన్‌ స్టార్‌ ఫాంహౌస్‌ నుంచి తాంత్రిక భావాలతో కేసీఆర్‌ పాలిస్తున్నారన్నారు. 60 మంది సర్పంచులు ఆత్మహత్యలు చేసుకున్నారని ఆరోపించారు.
* మోదీ భారత్‌ను ప్రపంచానికి దిక్చూచిగా తీర్చిదిద్దుతున్నారని ఎంపీ డా.కె.లక్ష్మణ్‌ అన్నారు. జీ-20 సమావేశాల సందర్భంగా అన్ని వర్గాలను భాగస్వామ్యం చేస్తూ ప్రత్యేక కార్యక్రమాలు చేయబోనున్నట్లు వివరించారు.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
30న తెనాలికి చంద్రబాబు
ఎన్నికల ప్రచారంలో భాగంగా ఈ నెల 30న తెదేపా అధినేత చంద్రబాబు గుంటూరు జిల్లా తెనాలి రానున్నారని జనసేన రాజకీయ వ్యవహారాల కమిటీ ఛైర్మన్, కూటమి నియోజకవర్గ అభ్యర్థి నాదెండ్ల మనోహర్ వెల్లడించారు. -
వైకాపా బాధితులకు న్యాయం చేయాలి
వైకాపా పాలనలో అన్యాయానికి గురైన బాధితులకు న్యాయం చేయాలని కోరుతూ శనివారం నుంచి నిరవధిక నిరాహార దీక్ష చేపట్టనున్నట్లు ఆదర్శ మహిళా మండలి అధ్యక్షురాలు కోవూరు శ్రీలక్ష్మి వెల్లడించారు. -
అమరవీరుల స్తూపాన్ని శుద్ధి చేసిన కాంగ్రెస్ నేతలు
ఉద్యమ సమయంలో విద్యార్థుల మరణాలకు కారణమైన మాజీ మంత్రి హరీశ్రావు అసెంబ్లీ ఎదురుగా ఉన్న గన్పార్కులోని అమరవీరుల స్తూపం వద్ద అడుగుపెట్టి మలినం చేశారంటూ కాంగ్రెస్ నేతలు ఆక్షేపించారు. -
పేదల అభ్యున్నతే భారాస లక్ష్యం
తెలంగాణ రాష్ట్ర సమితి.. భారత రాష్ట్ర సమితిగా పరిణతి చెంది.. రైతులు, శ్రామికులు, బడుగు బలహీన వర్గాలు, పేదల అభ్యున్నతే లక్ష్యంగా పోరాటం కొనసాగిస్తోందని ఆ పార్టీ కార్యనిర్వాహక అధ్యక్షుడు, మాజీ మంత్రి కేటీఆర్ తెలిపారు. -
కాంగ్రెస్లో కొనసాగుతున్న చేరికలు
కాంగ్రెస్లో చేరికలు కొనసాగుతున్నాయి. మాజీ మంత్రి సంభాని చంద్రశేఖర్ అసెంబ్లీ ఎన్నికల్లో సత్తుపల్లి టికెట్ ఆశించారు. -
సంక్షిప్త వార్తలు (8)
దేశవ్యాప్తంగా శుక్రవారం జరిగిన రెండోదశ లోక్సభ ఎన్నికల పోలింగు భాజపా సారథ్యంలోని ఎన్డీయేకు శుభసూచకమని, అధికార కూటమికి అపూర్వమైన మద్దతు లభించినట్లు ప్రధాని మోదీ తెలిపారు.
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
