ప్రజాశాంతి పార్టీ అభ్యర్థిగా గద్దర్‌

అమీర్‌పేట, న్యూస్‌టుడే: మునుగోడు ఉప ఎన్నికలో ప్రజాశాంతి పార్టీ తరఫున ప్రజా గాయకుడు గద్దర్‌ పోటీ చేయనున్నారు. పార్టీ అభ్యర్థిగా గద్దర్‌ పేరును అధ్యక్షుడు కె.ఎ.పాల్‌ అమీర్‌పేటలోని తన కార్యాలయంలో బుధవారం ప్రకటించారు. రాజ్యాంగ పరిరక్షణ కోసమే మునుగోడులో పోటీ చేసేందుకు నిర్ణయించుకున్నట్లు గద్దర్‌ తెలిపారు. ప్రపంచ శాంతి కోసం కృషి చేస్తున్న కె.ఎ.పాల్‌తో కలిసి పనిచేయాలనే ఉద్దేశంతోనే ఆ పార్టీ తరఫున పోటీ చేస్తున్నానని పేర్కొన్నారు. నోటు తీసుకుని ఓటు వేయడం నేరమని, నోటు తీసుకోకుండా నచ్చిన అభ్యర్థికి ఓటు వేయండనే నినాదంతో ప్రచారం నిర్వహిస్తానని ఆయన వివరించారు