Dastagiri: పులివెందుల సీఐపై ఎన్నికల సంఘానికి దస్తగిరి ఫిర్యాదు

పులివెందుల: పులివెందుల సీఐ శంకర్‌రెడ్డి వైకాపా నాయకులతో చేతులు కలిపారని, తనను హతమార్చేందుకు కుట్ర జరుగుతోందని వివేకా హత్యకేసులో అప్రూవర్‌ దస్తగిరి ఎన్నికల సంఘానికి ఫిర్యాదు చేశారు. జైభీమ్‌రావు పార్టీ తరఫున పులివెందుల ఎమ్మెల్యే అభ్యర్థిగా పోటీ చేస్తోన్న దస్తగిరి ప్రచార రథపై మూడు రోజుల క్రితం వైకాపా శ్రేణులు దాడి చేశారు. ఈ ఘటనలో సీఐ శంకర్‌రెడ్డి హస్తముందని ఆరోపించారు. తాను ఫిర్యాదు చేసినా పట్టించుకోకుండా వైకాపా నాయకులు చెప్పినట్టు తనను బెదిరిస్తున్నారని దస్తగిరి వాపోయారు. ప్రచార రథంపై దాడి చేసిన వారిని అరెస్టు చేయకుండా, తనకే 41 నోటీసు అందజేశారని ఫిర్యాదులో పేర్కొన్నారు.