పార్లమెంటు శీతాకాల సమావేశాలకు కాంగ్రెస్‌ వ్యూహం నేడు ఖరారు

సోనియాగాంధీ నివాసంలో పార్టీ నేతల భేటీ

దిల్లీ: దేశ ప్రజలు ఎదుర్కొంటున్న సమస్యలపై ప్రధాని మోదీ నేతృత్వంలోని కేంద్ర ప్రభుత్వాన్ని నిలదీసేందుకు కాంగ్రెస్‌ పార్టీ సిద్ధమవుతోంది. దీనిలో భాగంగానే ఈ నెల 7 నుంచి ప్రారంభమయ్యే పార్లమెంటు శీతాకాల సమావేశాల్లో అనుసరించాల్సిన వ్యూహాన్ని ఖరారు చేసేందుకు శనివారం సాయంత్రం ఆ పార్టీ నేతలు దిల్లీలోని సోనియా గాంధీ నివాసంలో భేటీకానున్నారు. కాంగ్రెస్‌ అధ్యక్షుడు మల్లికార్జున ఖర్గే, లోక్‌సభలో కాంగ్రెస్‌ పక్ష నేత అధీర్‌ రంజన్‌ చౌధురీ, ఉభయసభల్లో పార్టీ చీఫ్‌ విప్‌లు జైరాం రమేశ్‌, కె.సురేశ్‌, సీనియర్‌ నేతలు పి.చిదంబరం, మనీశ్‌ తివారీ తదితరులు హాజరుకానున్నారు. మల్లికార్జున ఖర్గే కాంగ్రెస్‌ అధ్యక్ష బాధ్యతలు చేపట్టిన తర్వాత జరుగుతున్న తొలి పార్లమెంటు సమావేశాలివి.