Telangana News: ఈడీ నోటీసు ఆశ్చర్యంగా.. విచిత్రంగా ఉంది: ఎమ్మెల్యే రోహిత్రెడ్డి
తాండూరు ఎమ్మెల్యే పైలెట్ రోహిత్రెడ్డికి ఈడీ అధికారులు నోటీసులు జారీ చేయడం కలకలం రేపింది. ఇలాంటి నోటీసులకు భయపడేది లేదని, న్యాయవాదులతో చర్చించి తగిన సమాధానం ఇస్తానని రోహిత్రెడ్డి తెలిపారు.
హైదరాబాద్: తాండూరు ఎమ్మెల్యే పైలెట్ రోహిత్రెడ్డికి ఈడీ అధికారులు నోటీసులు జారీ చేసిన విషయం తెలిసిందే. మనీలాండరింగ్ చట్టం కింద నోటీసులు జారీ చేసిన అధికారులు ఈనెల 19న ఉదయం 10గంటలకు విచారణకు హాజరుకావాలని పేర్కొన్నారు. ఈడీ నోటీసులపై ఎమ్మెల్యే రోహిత్రెడ్డి స్పందించారు. ఎమ్మెల్యేలకు ఎర వేసిన భాజపా బండారం బయటపెట్టినందుకే కక్షపూరితంగా ఈడీ నోటీసులు ఇచ్చారని ఆరోపించారు.
‘‘ఈడీ అధికారులు ఇచ్చిన నోటీసు ఆశ్చర్యంగా... విచిత్రంగా ఉంది. నోటీసులో నా బయోడేటా అడగటం హాస్యాస్పదం. నాకు నోటీసు వస్తుందని ముందే ఎలా తెలుసో బండి సంజయ్ సమాధానం చెప్పాలి. భాజపా బండారం బయటపెట్టినందుకే కక్షపూరితంగా నాకు ఈడీ నోటీసు ఇచ్చారు. అయినా, తగ్గేది లేదు..భయపడేది లేదు. న్యాయవాదులతో చర్చించి నోటీసుపై తగిన సమాధానం ఇస్తా. ఈడీ నోటీసుపై బండి సంజయ్కి ముందే ఎలా తెలుసో సిట్టింగ్ జడ్జితో విచారణ జరపాలి. దీనిపై కోర్టును ఆశ్రయిస్తా. బెంగళూరు డ్రగ్స్ కేసులో నాకు నోటీసు ఎప్పుడు వచ్చిందో బండి సంజయ్ చెప్పాలి. అయ్యప్పమాలతో నేను యాదగిరిగుట్ట వస్తా.. తడి బట్టలతో బండి సంజయ్ రావాలి. బీఎల్ సంతోష్ తప్పు చేయకపోతే విచారణకు ఎందుకు రావడం లేదు. నీతిమంతులైతే బీఎల్ సంతోష్, తుషార్ విచారణకు రావాలి’’ అని రోహిత్ రెడ్డి డిమాండ్ చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్