Politics: దొంగ ఓట్లు వేసేందుకు వైకాపా కుట్ర: తెదేపా

అమరావతి: ఏపీ వ్యాప్తంగా గతంలో వివిధ కారణాలతో నిలిచిపోయిన పంచాయతీ, మున్సిపల్, కార్పొరేషన్‌ స్థానాల్లో ఎన్నికల నిర్వహణకు ఏపీ ఎన్నికల సంఘం సమాయత్తమవుతున్న నేపథ్యంలో ఎస్‌ఈసీకి ప్రతిపక్ష తెదేపా లేఖ రాసింది. నకిలీ గుర్తింపు కార్డులతో దొంగ ఓట్లు వేసేందుకు కుట్ర జరుగుతోందని ఫిర్యాదు  చేసింది. బయట వ్యక్తులతో దొంగ ఓట్లు వేయించేందుకు వైకాపా నేతలు కుట్ర చేస్తున్నారని లేఖలో పేర్కొంది. తిరుపతి ఉపఎన్నికల్లో అనుసరించినట్లే ఇక్కడా అనుసరిస్తున్నారని ఆరోపించింది. ప్రజాస్వామ్య పద్ధతిలో పోలింగ్‌ జరిగేలా చర్యలు తీసుకోవాలని ఎస్‌ఈసీని కోరింది. ‘‘ ఓటమి భయంతోనే హింసాత్మక ఘటనలకు వైకాపా కుట్ర చేస్తోంది. పోలింగ్‌ కేంద్రాల్లో సీసీ కెమెరాలతో నిఘా ఏర్పాటు చేయాలి’’ అని తెదేపా తన లేఖలో పేర్కొంది.