Andhra News: ఆ వ్యాఖ్యలు వెనక్కి తీసుకోవాలి.. పవన్‌కు మహిళా కమిషన్‌ నోటీసులు

అమరావతి: విశాఖ పరిణామాల అనంతరం మంగళగిరిలోని పార్టీ కార్యాలయంలో నిర్వహించిన సమావేశంలో మూడు పెళ్లిళ్లపై జనసేన అధినేత పవన్‌ కల్యాణ్‌ చేసిన వ్యాఖ్యలపై మహిళా కమిషన్‌ తీవ్రంగా స్పందించింది. మూడు వివాహాలపై జనసేనాని చేసిన వ్యాఖ్యలను వెనక్కి తీసుకోవాలని కమిషన్‌ ఛైర్మన్‌ వాసిరెడ్డి పద్మ అన్నారు. ఈ మేరకు పవన్‌కు కమిషన్‌ నోటీసులు జారీ చేసింది. ‘‘మహిళా లోకానికి పవన్‌ క్షమాపణ చెప్పాలి. భరణమిస్తే భార్యను వదిలించుకోవచ్చనే సందేశమిచ్చేలా పవన్ వ్యాఖ్యలున్నాయి. మహిళలను ఉద్దేశించి స్టెప్నీ అనే పదం వాడడం సరైంది కాదు. పవన్‌ మాటలు మహిళా భద్రతకు పెనుప్రమాదంగా మారతాయి’’ అని పద్మ అన్నారు.