ప్రిక్వార్టర్స్‌లో సింధు

సయ్యద్‌ మోదీ టోర్నీ

లఖ్‌నవూ: సయ్యద్‌ మోదీ అంతర్జాతీయ సూపర్‌ 300 బ్యాడ్మింటన్‌ టోర్నీలో భారత స్టార్‌ షట్లర్‌ పి.వి.సింధు ప్రిక్వార్టర్‌ఫైనల్లో అడుగుపెట్టింది. బుధవారం జరిగిన మహిళల సింగిల్స్‌ తొలి రౌండ్లో టాప్‌ సీడ్‌ సింధు 21-9, 21-9తో తాన్యా హేమంత్‌పై విజయం సాధించింది. సామియా ఇమాద్‌ ఫారూఖీ 17-21, 21-11, 21-10తో శ్రుతి ముందాడపై, కనిక కన్వల్‌ 21-15, 16-21, 21-6తో దిశ గుప్తా (అమెరికా)పై, కృతి భరద్వాజ్‌ 21-6, 21-4తో తనిష్క్‌ మామిళ్లపల్లిపై, ప్రేరణ నీలూరి 21-3, 21-4తో గద్దె రుత్విక శివానిపై, స్మిత్‌ తోష్నివాల్‌ 21-13, 21-10తో పూర్వపై, సాయి ఉత్తేజితరావు చుక్కా 21-9, 21-12తో అంజన కుమారిపై నెగ్గి ప్రిక్వార్టర్స్‌ చేరుకున్నారు. పురుషుల సింగిల్స్‌ తొలి రౌండ్లో కౌశల్‌ 14-21, 21-11, 21-16తో హెంగ్‌ జేసన్‌ (సింగపూర్‌)పై, చిరాగ్‌ సేన్‌ 21-9, 21-6తో అన్షల్‌యాదవ్‌పై, మిథున్‌ మంజునాథ్‌ 21-15, 21-9తో ఆలాప్‌ మిశ్రాపై గెలుపొందారు.మహిళల డబుల్స్‌లో గాయత్రి గోపీచంద్‌ పుల్లెల- ట్రీసా జాలీ 21-1, 21-4తో మాహెక్‌- సౌమ్యపై నెగ్గారు.