హర్మన్‌కు అయిదో ర్యాంకు

దుబాయ్‌: ఇంగ్లాండ్‌తో వన్డే సిరీస్‌లో సత్తాచాటిన భారత మహిళల జట్టు కెప్టెన్‌ హర్మన్‌ప్రీత్‌ కౌర్‌ ఐసీసీ వన్డే ర్యాంకింగ్స్‌లో పురోగతి సాధించింది. మంగళవారం ప్రకటించిన బ్యాటర్ల జాబితాలో హర్మన్‌ 4 స్థానాలు మెరుగై అయిదో ర్యాంకు సొంతం చేసుకుంది. ఇంగ్లాండ్‌తో రెండో వన్డేలో హర్మన్‌ (143 నాటౌట్‌; 111 బంతుల్లో) అద్వితీయ సెంచరీతో అదరగొట్టింది. ఓపెనర్‌ స్మృతి మంధాన ఒక స్థానం మెరుగై ఆరో ర్యాంకు సాధించింది. దీప్తి శర్మ 8 ర్యాంకులు మెరుగై 24వ స్థానంలో నిలిచింది. ఆటకు వీడ్కోలు పలికిన పేసర్‌ జులన్‌ గోస్వామి బౌలర్ల ర్యాంకింగ్స్‌లో అయిదో స్థానం   సాధించింది.