Sachin Tendulkar: మంచి మనసు చాటుకున్న సచిన్‌.. వైరల్‌ వీడియో చూడండి!

(Photo: Sachin Tendulkar Instagram)

ఇంటర్నెట్‌డెస్క్‌: టీమ్‌ఇండియా దిగ్గజం, బ్యాటింగ్‌ గ్రేట్‌ సచిన్‌ తెందూల్కర్‌ అంతర్జాతీయ క్రికెట్‌కు వీడ్కోలు పలికి చాలా కాలమైనా.. ఇప్పటికీ ప్రజల మన్ననలు పొందుతున్నాడు. తాజాగా అతడు ఓ బీచ్‌లో గాయపడిన పక్షికి సపర్యలు చేసి మరోసారి తన మంచి మనసు చాటుకున్నాడు. ఆ వీడియోను తన సామాజిక మాధ్యమాల్లో పోస్టు చేయగా.. అభిమానులు ఫిదా అవుతున్నారు. ఇప్పటివరకూ దానికి కోటి 30 లక్షల మందికి పైగా లైకులు కొట్టారు. ఆ వీడియోలో సచిన్‌ ఆ పక్షికి నీళ్లు తాగించే ప్రయత్నం చేయడంతో పాటు ఏదో ఆహారం కూడా పెట్టి కాస్త కోలుకునేలా చేశాడు. ‘మనం అందించే కాస్తంత ప్రేమ, ఆప్యాయత ఈ ప్రపంచాన్ని మరింత అందమైన ప్రదేశంగా మార్చుతుంది’ అని వ్యాఖ్యానం జతచేశాడు. కాగా, తెందూల్కర్‌ ఆ గాయపడిన పక్షిని ఎలా కాపాడాడో మీరూ చూడండి..