‘ఎన్టీఆర్‌ జిల్లా’ను స్వాగతిస్తున్నాం

నందమూరి రామకృష్ణ

ఈనాడు డిజిటల్‌, హైదరాబాద్‌: ఆంధ్రప్రదేశ్‌ ప్రభుత్వం నందమూరి తారక రామారావు పేరిట ఎన్టీఆర్‌ జిల్లాని ఏర్పాటు చేయడాన్ని స్వాగతిస్తున్నామని ఆయన తనయుడు రామకృష్ణ ఓ ప్రకటనలో తెలిపారు. ఇది తెలుగువాళ్లు గర్వపడే నిర్ణయమని ఆయన సంతోషం వెలిబుచ్చారు.

* జిల్లా కేంద్రాల విషయంలో రాజకీయం చేయొద్దు. ప్రజల అభిప్రాయాలను గౌరవించి పార్లమెంటు నియోజకవర్గ కేంద్రమైన హిందూపురాన్ని జిల్లా కేంద్రంగా ప్రకటించాలని హిందూపురం ఎమ్మెల్యే నందమూరి బాలకృష్ణ డిమాండ్‌ చేశారు.

* తెలుగు ప్రజల అభిమతం, ఆకాంక్షలకు అనుగుణంగా ఆంధ్రప్రదేశ్‌ ప్రభుత్వం విజయవాడ కేంద్రంగా ఎన్టీఆర్‌ పేరుతో కొత్త జిల్లా ఏర్పాటు నిర్ణయం తీసుకోవడంపై దర్శకనిర్మాత వై.వి.ఎస్‌.చౌదరి ఓ ప్రకటనలో హర్షం వ్యక్తంచేశారు. తెలంగాణలో కూడా ఎన్టీఆర్‌ జిల్లా ఏర్పాటుపై కేసీఆర్‌ నాయకత్వంలోని ప్రభుత్వం నిర్ణయం తీసుకోవాలని కోరారు.