థర్డ్‌ పార్టీ యాప్స్‌ లింక్‌ వద్దనుకుంటే?

నేటి డిజిటల్‌ యుగంలో సౌకర్యమే కీలకం. వివిధ వెబ్‌సైట్లు, యాప్స్‌ను వాడుకోవటానికి అంతా తేలికైన మార్గాలనే ఎంచుకుంటారు. వీటి సేవలను పొందటానికి చాలామంది చేసే పని గూగుల్‌ ఖాతాతో సైన్‌ అప్‌ కావటం. అయితే కొన్నిసార్లు ఇది హానికరంగా పరిణమించొచ్చు. కాబట్టి తరచూ సమీక్షించుకొని, అనవసర యాప్స్‌ను తొలగించుకోవటం మంచిది. దీంతో ఆన్‌లైన్‌ భద్రత మెరుగవుతుంది. మరి గూగుల్‌ ఖాతాతో అనుసంధానమైన అవాంఛిత యాప్‌లను తొలగించుకోవటమెలా? 

•  ముందుగా ఆండ్రాయిడ్‌ పరికరంలో గూగుల్‌ యాప్‌ మీద క్లిక్‌ చేయాలి.
•  అప్పుడు మెనూలో గూగుల్‌ ఖాతాకు సంబంధించిన ఆప్షన్లు, సెటింగ్స్‌ కనిపిస్తాయి.
•  ‘మేనేజ్‌ గూగుల్‌ అకౌంట్స్‌’ ఆప్షన్‌ను ఎంచుకోవాలి. అకౌంట్‌ మేనేజ్‌మెంట్‌ విభాగం ద్వారా ‘సెక్యూరిటీ’ ఫీచర్‌ మీద నొక్కాలి.
•  ఇందులోని ‘థర్డ్‌ పార్టీ యాప్స్‌ అండ్‌ సర్వీసెస్‌’ విభాగంలో గూగుల్‌ ఖాతాతో అనుసంధానమై యాప్‌లన్నీ కనిపిస్తాయి.
•  ఈ జాబితాను జాగ్రత్తగా పరిశీలించి, అనవసరమైన యాప్‌లను అన్‌లింక్‌ చేసుకోవచ్చు.