మెసేజెస్‌ నుంచే ఫొటో షేర్‌

ఫోన్‌లో ఎవరికైనా ఫొటోలు, వీడియోలు షేర్‌ చేయాలంటే ముందు గ్యాలరీలోకి వెళ్తాం. వాటిని గుర్తించాక కాంటాక్టులను వెతికి షేర్‌ చేస్తుంటాం. ఐఫోన్‌ వాడేవారైతే మరింత త్వరగా మెసేజెస్‌ ద్వారానే దీన్ని కానియ్యొచ్చు. అయితే ముందుగా ఫోన్‌ను ఐఓఎస్‌17కు అప్‌డేట్‌ చేసుకోవాలి మరి. మెసేజెస్‌ను ఓపెన్‌ చేసి, ఎవరికి ఫొటో పంపించాలని అనుకుంటున్నారో వారి కాంటాక్టు నంబరును ఎంచుకోవాలి. అనంతరం ప్లస్‌ గుర్తు మీద నొక్కి, అలాగే అదమాలి. అప్పుడు ఫొటో గ్యాలరీ కనిపిస్తుంది. ఇందులో ఫొటో లేదా వీడియోను ఎంచుకొని, అక్కడి నుంచే సెండ్‌ చేయొచ్చు.