డాక్స్‌లో పాత వర్షన్‌ కావాలంటే?

గూగుల్‌ డాక్స్‌లో ఎడిటింగ్‌ చేస్తూనే ఉంటాం. షేర్‌ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్‌లోని సమాచారమే బాగుందని అనిపించొచ్చు. ఇలాంటి సమయంలోనే వర్షన్‌ హిస్టరీ ఫీచర్‌ తోడుంటుంది. దీంతో మార్పులను సమీక్షించుకోవచ్చు. డిలీట్‌ చేసిన పేరాను తిరిగి తెచ్చుకోవచ్చు. కావాలంటే మొత్తం డాక్యుమెంటును మునుపటిలా మార్చుకోవచ్చు. ఇందుకోసం ముందుగా ఫైల్‌ మెనూలోకి వెళ్లి వర్షన్‌ హిస్టరీ ఫీచర్‌ మీద క్లిక్‌ చేయాలి. ఇందులో వర్షన్‌ హిస్టరీ కనిపిస్తుంది. కుడివైపున కనిపించే టైమ్‌ మీద క్లిక్‌ చేస్తే అప్పటి డాక్యుమెంట్‌ ప్రత్యక్షమవుతుంది. అవసరమైన మార్పులు చేసుకుంటే సరి.