ఏఐ వీడియోకు సౌండ్‌ ట్రాక్‌ సొబగులూ

ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. మరి వాటికి సరిపోయే ఆడియో కావాలంటే? పికా ల్యాబ్స్‌ను వాడుకోవచ్చు. ఇది వీడియోను సృష్టించటమే కాదు.. ఎలాంటి సౌండ్‌ ఎఫెక్ట్‌ కావాలో వర్ణిస్తే అలాంటి ఆడియోను వీడియోకు జతచేస్తుంది కూడా. ఉదాహరణకు- ఇంట్లో వంట చేసే వీడియోను సృష్టించేటప్పుడు కూరగాయలు కోస్తున్నప్పుడు, గరిటెతో తిప్పుతున్నప్పుడు వచ్చే శబ్దాలను జత చేయమని చెబితే చాలు. వీడియోకు వాటిని కూడా యాడ్‌ చేసేస్తుంది. ఎలాంటి శబ్దాలు అవసరమో నిర్ణయించుకోలేకపోతే సౌండ్‌ ఎఫెక్ట్స్‌ను వెతికే ఫీచర్‌ కూడా ఇందులో ఉంటుంది. దీన్ని వాడుకోవాలంటే నెలకు రూ.663 చందా కట్టాల్సి ఉంటుంది. మరిన్ని సమగ్రమైన ఫీచర్లు అవసరమనుకునేవారు నెలకు రూ.4,808 చందా తీసుకోవచ్చు.