వాట్సప్‌ కొత్త ఇమేజ్‌ ఎడిటర్‌

వాట్సప్‌ త్వరలో ఏఐ ఆధారిత కొత్త ఇమేజ్‌ టూల్‌ను ప్రవేశపెట్టనుంది. ఇది ఫొటోలను తేలికగా ఎడిట్‌ చేసుకోవటానికి వీలు కల్పిస్తుంది. ఈ ఫీచర్‌ ఇమేజ్‌లను షేర్‌ చేసుకునే పేజీలో పైన కనిపిస్తుందని చెబుతున్నారు. ఇందులో ఎక్స్‌పాండ్‌, రిఫైన్‌, బ్యాక్‌డ్రాప్‌ వంటి సదుపాయాలూ ఉంటాయి. వీటితో నేపథ్య దృశ్యాలను మార్చుకోవచ్చు. స్టైళ్లను మెరుగు పరచుకోవచ్చు. ఇమేజ్‌ కొలతలను మార్చుకోవచ్చు. ప్రస్తుతం ఈ ఫీచర్‌ అభివృద్ధి దశలో ఉంది. ముందుగా బీటా వర్షన్‌ను విడుదల చేయనున్నారు.

‘ఆస్క్‌ మెటా’ అనే మరో ఫీచర్‌నూ వాట్సప్‌ ప్రవేశపెట్టనుంది. దీని సాయంతో యాప్‌ పైన ఉండే సెర్చ్‌ బార్‌ ద్వారా మెటా ఏఐకి ప్రశ్నలు సంధించొచ్చు. అవసరమైన సమాచారాన్ని పొందొచ్చు.