25 నుంచి వామపక్షపార్టీల ఆందోళనలు

ఈనాడు, హైదరాబాద్‌: నిత్యావసర ధరలు, భూముల రిజిస్ట్రేషన్‌, విద్యుత్‌, ఆర్టీసీ ఛార్జీల పెంపునకు నిరసనగా ఈ నెల 25 నుంచి 31వ తేదీ వరకూ రాష్ట్రవ్యాప్తంగా ఆందోళన కార్యక్రమాలు నిర్వహించాలని తెలంగాణ వామపక్ష పార్టీలు నిర్ణయించాయి. బుధవారం హైదరాబాద్‌లోని సీపీఎం రాష్ట్ర కార్యాలయంలో సీపీఐ రాష్ట్ర కార్యదర్శి చాడ వెంకట్‌రెడ్డి అధ్యక్షతన నిర్వహించిన సమావేశంలో ఈ మేరకు పలు నిర్ణయాలు తీసుకున్నారు. ఈ నెల 27న మండల, పట్టణ కేంద్రాల్లో నిరసన ప్రదర్శనలు, 30న జిల్లా కలెక్టర్‌ కార్యాలయాల వద్ద ధర్నాలు, 31న హైదరాబాద్‌లోని ఇందిరా పార్కు వద్ద ధర్నా నిర్వహించాలని నిర్ణయించారు. సమావేశంలో వామపక్ష పార్టీల నేతలు తమ్మినేని వీరభద్రం తదితరులు పాల్గొన్నారు.