కాళేశ్వరం, పాలమూరు ప్రాజెక్టుల్లో ఒకదానికి జాతీయ హోదా ఇవ్వాలి

ప్రధాని మోదీకి మంత్రి కేటీఆర్‌ వినతి

ఈనాడు, హైదరాబాద్‌: ప్రపంచంలోనే అతి పెద్దదైన బహుళార్థ సాధక నీటిపారుదల ప్రాజెక్టు కాళేశ్వరం, మరో భారీ ప్రాజెక్టు పాలమూరు-రంగారెడ్డి ఎత్తిపోతల పథకాలలో ఒకదానికి జాతీయ హోదా ఇవ్వాలని మంత్రి కేటీఆర్‌ ప్రధాని నరేంద్రమోదీని శుక్రవారం ట్విటర్‌ ద్వారా కోరారు. ఆంధ్రప్రదేశ్‌లోని పోలవరం, కర్ణాటకలోని ఎగువభద్ర ప్రాజెక్టులకు ఇచ్చిన ప్రాధాన్యాన్ని తెలంగాణ ప్రాజెక్టులకూ ఇవ్వాలన్నారు. ఇప్పటికే ఈ విషయంపై ముఖ్యమంత్రి సీఎం కేసీఆర్‌ ప్రధానమంత్రిని పలుమార్లు కోరినట్లు తెలిపారు. ఈ నెల ఆరో తేదీన జరిగే సమావేశంలో తెలంగాణ ప్రాజెక్టులపై చర్చించేలా ఉన్నతస్థాయి నిర్వాహక (స్టీరింగు) కమిటీని ఆదేశించాలన్నారు.