TS News: గాయపడిన ప్రేక్షకురాలికి పరిహారం ఇవ్వండి
సినిమా చూడడానికి వచ్చే ప్రేక్షకులకు ఎలాంటి ఇబ్బందులు కలగకుండా చూడాల్సిన బాధ్యత థియేటర్ల యాజమాన్యాలదేనని రంగారెడ్డి జిల్లా వినియోగదారుల ఫోరం
ఏషియన్ థియేటర్ పనితీరును తప్పుపట్టిన వినియోగదారుల ఫోరం
రంగారెడ్డి జిల్లా కోర్టులు, న్యూస్టుడే: సినిమా చూడడానికి వచ్చే ప్రేక్షకులకు ఎలాంటి ఇబ్బందులు కలగకుండా చూడాల్సిన బాధ్యత థియేటర్ల యాజమాన్యాలదేనని రంగారెడ్డి జిల్లా వినియోగదారుల ఫోరం స్పష్టం చేసింది. థియేటర్లో ప్రమాదానికిగురైన ఓ మహిళకు యాజమాన్యమే నష్టపరిహారాన్ని ఇవ్వాలంటూ ఊరటనిచ్చే తీర్పును వెలువరించింది. ఫిర్యాదురాలి కథనం ప్రకారం.. మేడ్చల్ జిల్లా బోడుప్పల్కు చెందిన గోగిరెడ్డి వనజ 2016 నవంబరు 22న బంధువులు, స్నేహితులతో కలిసి సినిమా చూడడానికి ఉప్పల్లోని ఏషియన్ థియేటర్కు వెళ్లారు. అప్పటికే సినిమా ప్రారంభం కావడంతో థియేటర్ లోపల చిమ్మ చీకటి అలుముకుంది. సీటును చూపించేందుకు సిబ్బంది లేకపోవడంతో లోనికి వెళ్తుండగా మెట్ల దగ్గర కింద పడిపోయారు. ఈ ప్రమాదంలో కాలు విరిగిపోగా వెంటనే ఆమెను స్నేహితులు ఓ ప్రైవేటు ఆస్పత్రిలో చేర్పించగా రెండు శస్త్రచికిత్సలు చేసి కాలులో స్టీలురాడ్లను అమర్చారు. వనజ సుమారు 8 నెలలు కదలకుండా ఉండడమే కాకుండా రూ.8 లక్షల వైద్య బిల్లులు చెల్లించారు. థియేటర్ యాజమాన్యం నిర్లక్ష్యంపై క్రిమినల్ కేసు కూడా నమోదైంది. అయినా స్పందించక పోవడంతో ఆమె రంగారెడ్డి జిల్లా వినియోగదారుల ఫోరంలో ఫిర్యాదు చేశారు. కేసు విచారించిన ఫోరం.. థియేటర్ యాజమాన్యం నిర్లక్ష్యం వల్లే ప్రమాదం జరిగిందని తేల్చింది. ఫిర్యాదుదారుకు వైద్య ఖర్చుల కింద రూ.3,81,721తో పాటు శారీరక, మానసిక వేదనకు గురి చేసినందుకు రూ.25,000, వ్యాజ్యపు ఖర్చులకుగాను మరో రూ.10,000 కలిపి నెలన్నర లోపు చెల్లించాలని ప్రతివాదిని ఆదేశించింది. నిర్దేశించిన సమయంలోపు చెల్లించకుంటే ఆ మొత్తానికి సాలీనా 9శాతం వడ్డీ కట్టాల్సి ఉంటుందని ఫోరం ఇటీవల తీర్పు వెల్లడించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్