ఏఈవోలకు 17 రకాల పనులు

దేవరుప్పుల(జనగామ జిల్లా), న్యూస్‌టుడే: వ్యవసాయశాఖాధికారులు ఇక నుంచి రైతులకు మరింత చేరువ కానున్నారు. ప్రతి 5 వేల మంది రైతులకు ఒక రైతు వేదిక నిర్మించి, విస్తరణాధికారిని నియమించిన క్రమంలో వ్యవసాయశాఖ వీరికి 17 రకాల బాధ్యతలు అప్పగించి రోజుకో పనిచేయాలని ఆదేశించింది. వాటిని ఎప్పటికప్పుడు ‘ఏఈవో యాక్టివేట్‌ లాగర్‌’’ అనే యాప్‌లో నమోదు చేయాలంది.

పనుల వివరాలివీ...

1.రైతు వేదికల్లో నిర్వహించే సమావేశాలు 2.క్రాప్‌ బుకింగ్‌ 3.రైతు బీమా క్లెయిం 4.విత్తనాల పంపిణీ 5.కొనుగోలు కేంద్రాల సందర్శన 6.భూసార పరీక్షలకు మట్టి నమూనాల సేకరణ 7.పంటకోత ప్రయోగాల వివరాలు 8.సమావేశాల నిర్వహణ 9.ప్రదర్శన క్షేత్రాల సందర్శన 10.రైతుబంధులో తేడాలుంటే సరిచేయడం 11.పీఎం కిసాన్‌ జమలో రైతుల ఇబ్బందులు 12.రైతు వేదికల్లో నిర్వహించే శిక్షణ శిబిరాలు 13.ఇన్‌పుట్స్‌ సరఫరా 14.రైతువేదికలోని పన్నెండు రకాల రిజిస్టర్ల అప్‌డేషన్‌ 15.రైతుల పంటల సందర్శన 16.రైతులతో ముఖాముఖి వారి సమస్యల నమోదు  17. వివిధ అంశాలపై రైతులతో కలిసి సందర్శన.