సినీ నేపథ్య గాయకుడు వడ్డేపల్లి శ్రీనివాస్‌ మృతి

సికింద్రాబాద్‌, న్యూస్‌టుడే: సినీ నేపథ్య, జానపద గాయకుడు, గబ్బర్‌సింగ్‌ సినిమాలోని ‘పిల్లా నువ్వులేని జీవితం’ పాట ఫేం వడ్డేపల్లి శ్రీనివాస్‌(64) కన్నుమూశారు. కొంతకాలంగా అనారోగ్యంతో బాధపడుతున్న ఆయన సికింద్రాబాద్‌ చిలకలగూడలోని తన నివాసంలో గురువారం తుదిశ్వాస విడిచారు. శ్రీనివాస్‌ వరంగల్‌ జిల్లాలో జన్మించారు. ఆయన చిన్నప్పుడే కుటుంబం హైదరాబాద్‌ వచ్చి స్థిరపడింది. ఆయన జానపద కళాకారుడిగా ప్రాచుర్యం పొందారు. ‘నంది’తో పాటు పలు పురస్కారాలు అందుకున్నారు. ‘పిల్లా నువ్వు లేని’ పాటకు ఉత్తమ నేపథ్య గాయకుడిగా ఫిల్మ్‌ఫేర్‌ అవార్డు అందుకున్నారు. ఆయనకు భార్య, కుమార్తె ఉన్నారు.