గిరిజన గురుకుల డిగ్రీ కళాశాలల్లో ఫైన్‌ ఆర్ట్స్‌, ఆర్మ్‌డ్‌ ఫోర్సెస్‌ కోర్సులు

ప్రవేశాలకు దరఖాస్తుల ఆహ్వానం

ఈనాడు, హైదరాబాద్‌: గిరిజన గురుకుల సొసైటీ ఆధ్వర్యంలోని మహిళల ఫైన్‌ ఆర్ట్స్‌ అకాడమీ (సిరిసిల్ల)లో బీఏ ఆనర్స్‌ ఫ్యాషన్‌ డిజైన్‌, ఇంటీరియర్‌ డిజైన్‌, ఫొటోగ్రఫీ-డిజిటల్‌ ఇమేజింగ్‌ డిగ్రీ కోర్సుల్లో ప్రవేశానికి ఆసక్తి కలిగిన మహిళలు దరఖాస్తు చేసుకోవాలని గిరిజన గురుకుల సొసైటీ కార్యదర్శి సీతాలక్ష్మి తెలిపారు. ఇంటర్‌ పూర్తి చేసిన విద్యార్థినులు ఈ నెల 10 నుంచి 30 వరకు సిరిసిల్ల కళాశాలలో దరఖాస్తులు అందజేయవచ్చని పేర్కొన్నారు. వరంగల్‌ జిల్లా అశోక్‌నగర్‌లోని గిరిజన గురుకుల ఆర్మ్‌డ్‌ ఫోర్సెస్‌ అకాడమీ (పురుషులు)లో బీఎస్సీ ఎంపీసీ, బీఏ హెచ్‌ఈపీ డిగ్రీ కోర్సుల్లో ప్రవేశానికి ఇంటర్‌ ఉత్తీర్ణులైన విద్యార్థులు ఈ నెల 10 నుంచి 30 వరకు దరఖాస్తు చేసుకోవచ్చని తెలిపారు. మరిన్ని వివరాలకు గిరిజన గురుకుల సొసైటీ, గిరిజన గురుకుల డిగ్రీ కళాశాలల వెబ్‌సైట్‌ను సందర్శించాలని సూచించారు.