తడిసిన ధాన్యం కొనుగోలు చేస్తాం

మంత్రి పొన్నం ప్రభాకర్‌

కరీంనగర్‌ పట్టణం, న్యూస్‌టుడే: రాష్ట్రంలో అకాల వర్షాల కారణంగా తడిసిన ధాన్యాన్ని ప్రభుత్వం కొనుగోలు చేస్తుందని బీసీ, సంక్షేమ, పౌర సరఫరాల శాఖ మంత్రి పొన్నం ప్రభాకర్‌ అన్నారు. మంగళవారం సాయంత్రం కరీంనగర్‌లో విలేకరులతో మాట్లాడారు. తడిసిన ధాన్యం గురించి రాష్ట్ర పౌర సరఫరాల శాఖ మంత్రి ఉత్తమ్‌కుమార్‌రెడ్డి దృష్టికి తీసుకెళ్లామన్నారు. కల్లాల్లో ధాన్యం తడవకుండా జాగ్రత్తలు తీసుకోవాల్సిన అవసరముందని, ప్రభుత్వపరంగా సాయమందిస్తామని తెలిపారు. వడగళ్ల వానతో పంట నష్టపోయిన వారికి ఆర్థిక సహకారం అందిస్తామన్నారు.