మహిళా యాంకర్లు ముఖాలు కప్పుకోవాల్సిందే

నిబంధన కఠినంగా అమలు చేస్తున్న తాలిబన్లు

ఇస్లామాబాద్‌: మహిళా టీవీ యాంకర్లు వార్తలు చదివేటపుడు ముఖాలను కప్పుకోవాలంటూ గురువారం ఆదేశాలు జారీ చేసిన తాలిబన్లు.. ఇప్పుడు ఆ నిబంధనను కఠినంగా అమలు చేస్తున్నారు. చాలా టీవీ ప్రసారసంస్థలకు తాలిబన్ల ఆదేశాలు కొన్ని రోజుల క్రితం అందినా తొలుత పెద్దగా పట్టించుకోలేదు. దీంతో తాలిబన్‌ అధికారులు రంగంలోకి దిగారు. తమ ఆదేశాలను పాటించాల్సిందేనని, ఇందులో ఎలాంటి వెసులుబాటు కల్పించే ప్రసక్తే లేదని పేర్కొన్నారు. దీంతో ఆదివారం నుంచి మహిళా యాంకర్లు ముఖాలు కప్పుకొని వార్తలు చదువుతున్నారు. అఫ్గాన్‌లో తాలిబన్లు అధికారంలోకి వచ్చిన తర్వాత మహిళల స్వేచ్ఛపై ఉక్కుపాదం మోపుతున్నారు. వరుసగా వారిపై రకరకాల ఆంక్షలు విధిస్తున్నారు.