Israel-Hamas: హమాస్తో డీల్కు ఇజ్రాయెల్ ఓకే.. 50 మంది బందీలకు లభించనున్న విముక్తి
Israel-Hamas: 50 మంది బందీల విడుదలకు హమాస్తో ఇజ్రాయెల్ ఒప్పందం కుదుర్చుకుంది. ఈ ఒప్పందంలో భాగంగా గాజాలో నాలుగు రోజులు కాల్పుల విరమణ అమలు చేయనున్నారు.
జెరూసలెం: గత ఆరు వారాలుగా కొనసాగుతున్న ఇజ్రాయెల్-హమాస్ (Israel-Hamas Conflict) భీకర పోరులో కీలక పరిణామం చోటుచేసుకుంది. బందీల (Hostages) విడుదల కోసం ఇరువర్గాల మధ్య కాల్పుల విరమణ కోసం కొంతకాలంగా అంతర్జాతీయ సమాజం చేస్తున్న ప్రయత్నాలు ఎట్టకేలకు ఫలించాయి. 50 మంది బందీల విడుదల కోసం ఇజ్రాయెల్-హమాస్ మధ్య ఒప్పందం కుదిరింది. మంగళవారం అర్ధరాత్రి వరకు జరిగిన సమావేశంలో ఇజ్రాయెల్ మంత్రివర్గం (Israel's Cabinet) ఈ ఒప్పందానికి ఆమోదముద్ర వేసింది. ఈ సందర్భంగా ఇజ్రాయెల్ ప్రధాని నెతన్యాహు (Benjamin Netanyahu) మాట్లాడుతూ.. ‘‘కష్టమైనదే.. కానీ ఇది సరైన నిర్ణయమే’’ అని మంత్రులతో తెలిపారు.
ఒప్పందంలో భాగంగా ఇజ్రాయెల్ నాలుగు రోజుల పాటు కాల్పుల విరమణ పాటించనుంది. ఆ సమయంలో గాజాలో సైనిక దాడులను నిలిపివేయనున్నట్లు ఇజ్రాయెల్ ప్రధాని నెతన్యాహు కార్యాలయం వెల్లడించింది. అదే సమయంలో హమాస్ తమ వద్ద బందీలుగా ఉన్న 240 మందిలో నుంచి కనీసం 50 మందిని విడిచిపెట్టాల్సి ఉంటుందని తెలిపింది. వీరిలో ఎక్కువ మంది మహిళలు, చిన్నారులను హమాస్ వదిలేయనున్నట్లు పేర్కొంది.
అంతర్జాతీయ శాంతిభద్రతలకు ఇజ్రాయెల్ ముప్పు: ఇరాన్ అధ్యక్షుడు
‘‘బందీలను సురక్షితంగా ఇంటికి తీసుకురావడమే మా లక్ష్యం. ఇందుకోసం తాత్కాలిక కాల్పుల విరమణ చేపట్టేందుకు హమాస్తో ఒప్పందానికి ప్రభుత్వం అంగీకరించింది’’ అని ఇజ్రాయెల్ ప్రధాని కార్యాలయం తమ ప్రకటనలో వెల్లడించింది. ఒప్పందంలో భాగంగా తమ జైళ్లలో ఉన్న 150 మంది పాలస్తీనా పౌరులను ఇజ్రాయెల్ విడిచిపెట్టనుందని కూడా వార్తలు వచ్చాయి. అయితే.. తాజా ప్రకటనలో నెతన్యాహు సర్కారు మాత్రం ఆ విషయాన్ని ప్రస్తావించలేదు.
కానీ, ఖతార్ చేసిన ప్రకటనలో మాత్రం పాలస్తీనా ఖైదీల విడుదల గురించి పేర్కొనడం గమనార్హం. ఇజ్రాయెల్-హమాస్ మధ్య ఒప్పందం ఖరారైనట్లు ఖతార్ విదేశాంగ శాఖ బుధవారం ఉదయం ఓ ప్రకటన విడుదల చేసింది. ‘‘ఈజిప్టు, అమెరికా, ఖతార్ మధ్యవర్తిత్వంతో ఇజ్రాయెల్-హమాస్ మధ్య ఈ డీల్ కుదిరింది. కాల్పుల విరమణ ఎప్పుడు మొదలవుతుందన్న దానిపై వచ్చే 24 గంటల్లో ప్రకటన వెలువడుతుంది. అప్పటి నుంచి నాలుగు రోజుల పాటు ఈ కాల్పుల విరమణ అమల్లో ఉంటుంది. ఒప్పందంలో భాగంగా హమాస్ తమ వద్ద బందీలుగా ఉన్నవారిలో 50 మంది మహిళలు, చిన్నారులను విడిచిపెడుతుంది. అటు ఇజ్రాయెల్ కూడా తమ వద్ద జైళ్లలో ఉన్న పాలస్తీనా మహిళలు, చిన్నారులను విడుదల చేస్తుంది’’ అని ఖతార్ తమ ప్రకటనలో పేర్కొంది. కాల్పుల విరమణతో గాజాకు మరింత మానవతా సాయం అందించేందుకు వీలు లభిస్తుందని ఖతార్ తెలిపింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సముద్రం ముప్పు.. థాయ్లాండ్ రాజధానిని తరలించాల్సిందేనా..?
సముద్ర మట్టాలు పెరగడం ద్వారా ఈ శతాబ్దం చివరినాటికి థాయ్లాండ్ రాజధాని బ్యాంకాక్ మునిగిపోయే ప్రమాదం ఉందని అక్కడి వాతావరణ శాఖ అధికారులు హెచ్చరించారు. -
దీనిని ఎవరు ఓకే చేశారో..?: కింగ్ ఛార్లెస్ చిత్తరువుపై భిన్నాభిప్రాయాలు
బ్రిటన్ రాజుగా పట్టాభిషేకం జరిగిన ఏడాది తర్వాత ఆవిష్కరించిన కింగ్ ఛార్లెస్ 3(King Charles III) చిత్రపటంపై నెటిజన్లు భిన్నాభిప్రాయాలు వ్యక్తం చేస్తున్నారు. -
‘గర్జనకు సిద్ధం’.. బైడెన్ సవాలును స్వీకరించిన ట్రంప్!
యూఎస్ ఎలక్షన్ డిబేట్స్ కమిషన్ నిర్వహించే చర్చలకు దూరంగా ఉన్న అధ్యక్షుడు జో బైడెన్ (Joe Biden).. టెలివిజన్ వేదికగా చర్చలకు మాత్రం సిద్ధమేనని ప్రకటించారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (16/05/24)
-
సముద్రం ముప్పు.. థాయ్లాండ్ రాజధానిని తరలించాల్సిందేనా..?
-
అక్కడి ప్రజలు చెప్పుల్లేకుండానే నడుస్తారు.. ఎందుకో తెలుసా?
-
దీనిని ఎవరు ఓకే చేశారో..?: కింగ్ ఛార్లెస్ చిత్తరువుపై భిన్నాభిప్రాయాలు
-
‘గర్జనకు సిద్ధం’.. బైడెన్ సవాలును స్వీకరించిన ట్రంప్!
-
టీమ్ఇండియా కొత్త కోచ్ రేసులో స్టీఫెన్ ఫ్లెమింగ్.. సీఎస్కే స్పందనిదే