చదువుల రాణి.. పసిడి కొల్లగొట్టింది..! - austrian mathematician anna kiesenhofer won the gold medal in womens road race cycling
close
Updated : 26/07/2021 18:50 IST

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

నాలుగేళ్లకోసారి జరిగే ఒలింపిక్స్‌ క్రీడల్లో పాల్గొనాలంటే ఎన్నో ఏళ్ల కఠోర శ్రమ చేయాలి. ప్రొఫెషనల్‌ అథ్లెట్స్‌గా రాణించాలి. అర్హత పోటీలతో పాటు అంతకుముందు జరిగే పోటీల్లో విజయాలు నమోదు చేయాల్సి ఉంటుంది. ఇలా ఎన్నో ఎలిమినేషన్లు, వడపోతల తర్వాత ఈ విశ్వ క్రీడల కోసం అథ్లెట్లను ఎంపిక చేస్తారు. అభిమానులూ వాళ్ల పైనే ఆశలు పెట్టుకుంటారు. అయితే ఇలాంటి అంచనాలేవీ లేకుండానే ఈసారి ఒలింపిక్స్‌ బరిలోకి దిగింది ఆస్ట్రియాకు చెందిన సైక్లిస్ట్‌ అన్నా కిసెనోఫర్‌. మూడుసార్లు ప్రపంచ ఛాంపియన్‌, మెడల్‌ ఫేవరెట్‌ అయిన డచ్‌ క్రీడాకారిణి అన్నేమిక్‌ వాన్‌ వూటెన్‌ను ఓడించి స్వర్ణ పతకాన్ని కొల్లగొట్టింది. మహిళల వ్యక్తిగత రోడ్‌ రేస్‌ ఈవెంట్‌లో భాగంగా.. అన్నా, వాన్‌ కంటే 75 సెకన్ల ముందు లక్ష్యాన్ని అధిగమించడంతో పసిడిని తన సొంతం చేసుకుంది.

పరుగుతో మొదలైంది!

అన్నాకు చిన్నతనం నుంచే చదువంటే ప్రాణం. గణిత శాస్త్రంపై మక్కువ చూపించే ఆమె.. ఇదే సబ్జెక్టులో కేంబ్రిడ్జి యూనివర్సిటీ నుంచి పీజీ పూర్తి చేసింది. 2016లో పాలిటెక్నిక్‌ యూనివర్సిటీ ఆఫ్ కెటలోనియా నుంచి పీహెచ్‌డీ పట్టా అందుకుంది. ప్రస్తుతం Ecole Polytechnique Federale de Lausanne (EPFL)లో పోస్ట్‌ డాక్టొరల్ రీసెర్చర్‌గా కొనసాగుతోన్న ఈ గణిత మేధావి.. గణిత భౌతిక శాస్త్రాల్లో ఉత్పన్నమయ్యే Nonlinear Partial Differential Equations పై పరిశోధనలు జరిపే బృందంలో భాగమయ్యారు. ఇలా ఓవైపు చదువుకుంటూనే మరో వైపు పరుగుపై ఆసక్తి పెంచుకున్నారు అన్నా. ఈ క్రమంలోనే 2011-2013 వరకు ట్రయాథ్లాన్‌, డ్యూయథ్లాన్‌.. వంటి పరుగు ఈవెంట్లలో పాల్గొన్నారు. ఆ తర్వాత గాయం కారణంగా పరుగు పోటీల్లో పాల్గొనడం తగ్గించుకొని సైక్లింగ్‌పై దృష్టి పెట్టారామె. అలా 2014లో ప్రారంభమైన తన సైక్లింగ్‌ పతకాల వేట నేటికీ నిర్విరామంగా కొనసాగుతూనే ఉంది. తన కెరీర్‌లో 2019లో నేషనల్‌ రోడ్‌ రేస్‌ ఛాంపియన్‌షిప్స్‌, 2019, 2020, 2021.. వరుసగా మూడేళ్లలో నేషనల్‌ టైమ్‌ ట్రయల్‌ ఛాంపియన్‌షిప్స్‌ పోటీల్లో పలు పతకాలు గెలుచుకుందామె.

మరపురాని విజయమిది!

అనుకోకుండా వరించిన విజయాన్ని ఇప్పటికీ నమ్మలేకపోతున్నానంటోంది అన్నా. ‘అందరికంటే ముందుగా లక్ష్యాన్ని దాటానంటే ఇప్పటికీ నమ్మలేకపోతున్నా. నా నుంచి టీమ్‌కు గట్టి పోటీ అయితే ఇవ్వాలనుకున్నా.. ఎందుకంటే పోటీలో పాల్గొన్న బృంద సభ్యులంత అనుభవం నాకు లేదు. కానీ అందరినీ వెనక్కి నెట్టి పసిడి గెలుచుకోవడం అద్భుతంగా అనిపిస్తోంది. మొత్తానికి ఎలాంటి ఒత్తిడి లేకుండానే రేసు పూర్తి చేశాను..’ అంటోంది అన్నా. ఎంతటి ప్రతిష్ఠాత్మక పోటీ అయినా.. భయపడకుండా మనపై మనం పూర్తి నమ్మకముంచితే విజయం కచ్చితంగా వరిస్తుందంటూ చెప్పకనే చెప్పారీ గణిత మేధావి. ఒలింపిక్స్‌లో అద్భుతమైన ప్రదర్శన చేసిన అన్నాపై ప్రపంచవ్యాప్తంగా ప్రశంసల జల్లు కురుస్తోంది.

కంగ్రాట్స్‌ అన్నా!

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని