అబార్షన్‌ తర్వాత నుంచీ జ్వరం.. కారణమేంటి? - doctor advice on abortion after fever in telugu
close
Published : 04/07/2021 14:36 IST

అబార్షన్‌ తర్వాత నుంచీ జ్వరం.. కారణమేంటి?

హాయ్‌ డాక్టర్‌. నేను ఐవీఎఫ్‌ చికిత్స తీసుకున్నాను. మూడు పిండాలు ఏర్పడ్డాయి. అయితే అందులో ఒక బేబీకి రెండు తలలు వచ్చాయి. అప్పుడు ఫీటల్‌ డిటెక్షన్‌ చేసి రెండు పిండాలు ఉంచారు. అయితే ఐదో నెలలో అబార్షన్‌ అయింది. తర్వాత Dilation and Curettage (D&C) చేశాక వారానికి కరోనా పాజిటివ్‌ వచ్చింది. ఇప్పుడు కొవిడ్‌ నుంచి కోలుకున్నా. అయితే D&C చేసినప్పట్నుంచి జ్వరం వస్తోంది.  మాత్ర వేసుకుంటే తగ్గుతుంది.. ఆపేశాక మళ్లీ వస్తుంది. ఎందుకిలా జరుగుతోంది? దయచేసి సలహా ఇవ్వగలరు.

- ఓ సోదరి

జ: మీకు జ్వరం రావడానికి కారణమేంటో తెలుసుకోవాలంటే మీకు ఉన్న ఇతర లక్షణాలు, వాటితో పాటు కొన్ని పరీక్షలు చేయాల్సి ఉంటుంది. ఒకవేళ అబార్షన్‌ తర్వాత ఇన్ఫెక్షన్‌ వల్ల జ్వరం వచ్చుంటే.. మీకు పొత్తి కడుపులో నొప్పి, బ్లీడింగ్‌, దుర్వాసనతో కూడిన డిశ్చార్జి.. వంటి లక్షణాలు కనిపిస్తాయి. లేదా మీకు కొవిడ్‌ కూడా వచ్చింది కాబట్టి కొవిడ్‌కు సంబంధించిన కాంప్లికేషన్స్‌ వల్ల కానీ లేదంటే ఈ రెండూ కాకుండా ఇతర కారణాల వల్ల కానీ జ్వరం రావచ్చు. అందుకని మీరు ఒకసారి మీ గైనకాలజిస్ట్‌ని, మీకు కొవిడ్‌ చికిత్స చేసిన ఫిజీషియన్‌ని సంప్రదిస్తే వారు మీకు సరైన సలహా ఇవ్వగలుగుతారు.

మరిన్ని

యోగాలో ఈ పొరపాట్లు దొర్లకుండా..!

మానసిక ఒత్తిడి, టెన్షన్ల నుంచి తక్షణమే విముక్తి లభిస్తే బాగుండు.. అనిపిస్తోందా? అధిక పనితో అలసిపోయిన శరీరాన్ని శక్తిమంతం చేసుకోవాలనుకుంటున్నారా? ఇవన్నీ ఒకేసారి సాధ్యమైతే.. అంతకంటే ఆనందమేముంటుంది చెప్పండి.. అటు శారీరకంగా, ఇటు మానసికంగా సంపూర్ణ దృఢత్వాన్ని సాధించవచ్చు. ఇందుకు సహకరించే ప్రక్రియే 'యోగా'. అయితే ఈ యోగాసనాల వల్ల పూర్తి ఫలితం పొందాలంటే.. చేసే క్రమంలో ఎలాంటి పొరపాట్లు దొర్లకుండా జాగ్రత్తపడాలి. కానీ కొంతమంది మాత్రం అవగాహన లోపంతో యోగా చేసేటప్పుడు కొన్ని చిన్న చిన్న తప్పులు చేస్తుంటారు. ఫలితంగా యోగా చేసిన ఫలం దక్కకుండా పోతుంది. మరి ఆ పొరపాట్లేంటో ముందే తెలుసుకుని, తగిన జాగ్రత్తలు తీసుకుంటే పూర్తి ఫిట్‌నెస్‌ను సొంతం చేసుకోవచ్చు.

తరువాయి

బ్యూటీ & ఫ్యాషన్

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని