డబ్బు దానంతట అదే వస్తుందన్నారు!
close
Updated : 25/06/2021 22:35 IST
Facebook Share Twitter Share WhatsApp Share Telegram Share Link Share

డబ్బు దానంతట అదే వస్తుందన్నారు!

బురఖా లేనిదే బయటికి రాకూడదన్న కఠిన నిబంధనలుండే కుటుంబంలో పుట్టిందా అమ్మాయి. పైగా ఎప్పుడూ అవే దుస్తులు. ఈ పద్ధతిని మార్చాలనుకుంది. చిన్న వయసులోనే సొంత ఫ్యాషన్‌ బ్రాండ్‌తో ఆకట్టుకుంది. అంతటితో ఆగలేదు... ప్రతి రంగంలోనూ తన ముద్ర వేయాలని తపించింది. 34 ఏళ్లొచ్చేసరికి అంతర్జాతీయ వ్యాపారవేత్తగా ఎదిగింది. ఆమే సారా అల్‌ మదానీ..

టీనేజీలోనే వ్యాపారంలోకి అడుగుపెట్టిన సారా ఆ తర్వాత రెండు దశాబ్దాల్లోనే ఎన్నో వ్యాపారాలను విజయవంతంగా నిర్వహిస్తూ శెభాష్‌ అనిపించుకుంటోంది. గత రెండేళ్లలో 182 కార్యక్రమాల్లో ప్రత్యేక అతిథిగా ప్రసంగించిందంటే... దుబాయ్‌లో ఆమెకున్న ఆదరణ అర్థమవుతుంది. సారా ప్రముఖ ఫ్యాషన్‌ డిజైనర్‌. షార్జాలో పుట్టిపెరిగిన సారా అరబ్‌ మహిళల వస్త్రధారణలో మార్పుతేవాలన్న లక్ష్యంతో ఫ్యాషన్‌ బ్రాండ్‌ తెరపైకి తెచ్చింది. 15 ఏళ్లకే సారా అల్‌ మదానీ పేరుతో డిజైనింగ్‌ కంపెనీ ప్రారంభించింది. తన వస్త్రశ్రేణి యూఏఈలోనే కాదు ఆఫ్రికా, మధ్యతూర్పు దేశాల్లోని మహిళలనూ విపరీతంగా ఆకట్టుకుంది. అది విజయవంతం అయ్యాక రెస్టారెంట్లనూ తెరిచింది. ఆ ఆలోచనను వెంటనే ఆచరణలో పెట్టకపోతే... అదే మరొకరికి గుర్తింపు తెచ్చిపెట్టవచ్చు. అందుకే.. లాభనష్టాల గురించి ఆలోచించకుండా ధైర్యంగా ముందడుగు వేయాలంటుంది సారా. ఓ సమావేశానికి వెళ్లినప్పుడు అక్కడెవరో.. సాంకేతిక రంగం మగవారి కోసమే అన్నారు. అది తనలో పట్టుదలను తెచ్చింది. వెంటనే ఓ సాఫ్ట్‌వేర్‌ సంస్థ స్థాపించింది. ప్రస్తుతం సారా నడుపుతున్న వాటిలో మూడింట రెండొంతులు టెక్‌ సంస్థలే. ‘సోషల్‌ఫిష్‌’ పేరుతో సామాజిక మాధ్యమాల్లో సంస్థలకు ప్రచారం కల్పించే, ఓ మార్కెటింగ్‌ సంస్థ, వేడుకలు నిర్వహించే ప్రపోజల్‌ క్యుపిడ్‌ సంస్థలనూ స్థాపించింది సారా. మంచి ఆలోచనలు తడితే మరో 10 సంస్థలు స్థాపించేందుకూ సిద్ధం అంటోంది. సామాజిక మాధ్యమాల్లోనూ లక్షల ఫాలోవర్లను సంపాదించుకుంది.

విమర్శలు, నష్టాలను స్వీకరిస్తూ... చేస్తున్న పని పట్ల గౌరవంతో, తననుంచి తానే స్ఫూర్తి పొందుతూ ధైర్యంగా ముందుకెళ్లడమే తన గెలుపు మంత్రమంటోంది సారా. మహిళాశక్తికి ప్రతి రూపంలా నిలుస్తున్న సారాను... యూఏఈ ప్రభుత్వం ఆర్థిక మంత్రిత్వ శాఖలోని చిన్న, మధ్యతరహా వ్యాపారాల కౌన్సిల్‌ బోర్డు సభ్యురాలిగా నియమించింది. సాధికారత ఎవరో తెచ్చిపెట్టేది కాదనీ, స్వయంగా సంపాదించుకోవాలనీ సూచిస్తోంది తను.

సారా వాళ్ల అమ్మ టీచర్‌. నాన్న ఇంజినీర్‌. తనకో అక్క. అమ్మానాన్న తనతో ఒక మాట తరచూ అనేవారట. ‘‘డబ్బు కోసం కాదు. నచ్చిన పని చేయి. డబ్బు దానంతట అదే వస్తుందని అనేవారు. ఇదే నా గెలుపు మంత్రం కూడా. ఖాళీ కప్పుతో ఏం ప్రయోజనం ఉంటుంది. అందుకే నా మనసుని సానుకూల ఆలోచనలతో నిండుగా ఉంచుకుంటాను. ఇన్ని వ్యాపారాలు ఎలా? ఇంటినీ, వృత్తినీ ఎలా సమన్వయం చేసుకుంటున్నావ్‌ అంటారు. నిద్రపోవడానికి ముందు మనం సంతోషంగా ఉంటే వృత్తినీ, జీవితాన్నీ సరిగా బ్యాలెన్స్‌ చేసినట్టే లెక్క. నా భర్త ముస్తఫా వ్యాపారవేత్త. మాకో అబ్బాయి. వాడితో ఆడుకుంటే మరో ప్రపంచం ఉందన్న విషయమే గుర్తుకు రాదు...’’ అంటున్న సారా పరవళ్లు తొక్కే విజయోత్సాహానికి ప్రతీకలా లేదూ.


బాధాకరమైన విషయం ఏమంటే అనేక సందర్భాల్లో మహిళలు తమ అధికారాన్ని తామే వదిలేసుకుంటారు... తమకు అంత అర్హత లేదనుకుని.

- ఆలిస్‌ వాకర్‌, పులిట్జర్‌ బహుమతి గ్రహీత, సామాజిక కార్యకర్త


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

ఆరోగ్యమస్తు

మరిన్ని

అనుబంధం

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని