ప్లాస్టిక్‌తో  ట్రెండ్‌ సృష్టించింది!
close
Updated : 03/09/2021 04:43 IST

ప్లాస్టిక్‌తో  ట్రెండ్‌ సృష్టించింది!

ఆమె వ్యర్థాలతో వస్త్రానికి అదనపు మెరుపులను అద్దింది. అందుకే అందంతోపాటు పర్యావరణ పరిరక్షణనూ దృష్టిలో పెట్టుకుని తను రూపొందించిన డిజైన్‌కు ‘ఫ్యాషన్‌ ఫార్వర్డ్‌ ఫెలోషిప్‌ 2021’ దక్కింది. పశ్చిమ బెంగాల్‌కు చెందిన 24 ఏళ్ల డిజైనర్‌ ప్రియాల్‌ తురాఖియా వినూత్న ఆవిష్కరణ ఇది. ప్లాస్టిక్‌ను పునర్వినియోగిస్తూ సృజనాత్మకంగా రూపొందించిన ‘కుడ్‌ బీ’ డిజైన్‌ ప్రముఖుల ప్రశంసలనూ అందుకుంది.

సిలిగురికి చెందిన ప్రియాల్‌ గుజరాత్‌లో పెరిగింది. అహ్మదాబాద్‌ నిర్మా విశ్వ విద్యాలయంలో బిజినెస్‌ అడ్మినిస్ట్రేషన్‌ చేసింది. ఫ్యాబ్రిక్‌ డిజైనింగ్‌పై ఆసక్తితో ఇంటర్న్‌షిప్‌ చేసింది. అప్పుడే పర్యావరణానికి హాని చేస్తోన్న నేటి ఆధునిక ఫ్యాషన్‌లపై అవగాహన తెచ్చుకుంది. పాలిస్టర్‌, సింథటిక్‌ వంటి వాటితో డిజైన్లు కోకొల్లలుగా రావడం గుర్తించింది. ఇలా తయారైన దుస్తులను ఉతికే ప్రతిసారీ నీటిలో మైక్రోఫైబర్స్‌ను విడుదల చేస్తాయి. ఇవి కాలుష్య శాతాన్ని పెంచుతాయి. దీన్ని నిరోధించేందుకు ఆర్గానిక్‌ కాటన్‌, సింగిల్‌ యూజ్‌ ప్లాస్టిక్‌ను మిళితం చేసి ప్రియాల్‌ కొత్త వస్త్రాన్ని రూపొందించింది.

ప్రయోగాలతో...  తన ఆలోచనకు ఓ రూపాన్నివ్వడానికి ఎంతో అధ్యయనం చేసింది. ఎన్నెన్నో ప్రయోగాలు, జరిపింది. ప్లాస్టిక్‌ క్యారీ బ్యాగులు, పెట్‌ బాటిల్‌ క్యాప్స్‌ను సేకరించింది. వీటిని గుండ్రం, చతురస్రాకారం, త్రికోణం, డైమండ్‌ ఆకారాలుగా కత్తిరించి రంగు వేయని వస్త్రంపై కుట్టింది. ఆ తర్వాత డై వేసి మెరుపులీనే వస్త్రాన్ని తయారు చేసింది. అనుకున్నట్లుగా వచ్చిన తన ప్రయోగ ఫలితాన్ని దుస్తులుగా మార్చడానికి సిలిగురిలోని టైలర్లను సంప్రదించింది. తొలిసారిగా ఈ వస్త్రంతో నాలుగు అవుట్‌ఫిట్‌లను డిజైన్‌ చేసింది. పార్టీవేర్‌ అంటూ మెరిసే దుస్తుల తయారీలో ఉపయోగించే పదార్థాలు మట్టిలో కలవడానికి ఏళ్ల సమయం పడుతుంది అంటుంది ప్రియాల్‌. ఈ  ఆలోచన కార్యరూపంలో రావడానికి దాదాపు ఏడాది పట్టింది. ఇది వస్త్రం తేలికగా భూమిలో కలిసిపోతుంది. ఈ డిజైన్‌ను నిరంతర్‌ కలెక్షన్‌ పేరుతో విక్రయించడం మొదలుపెట్టింది. అంతేకాదు, వీటిపై వినియోగదారులకు ప్రత్యేక రాయితీని అందిస్తోంది. ఒకసారి కొనుక్కున్న వారు వాటిని వాడాక తిరిగి మాకే వాటిని అమ్మొచ్చు. అందుకు బైబ్యాక్‌ పథకాన్ని ప్రవేశపెట్టాను. ఈ కృషికే ఏటా ‘రీ ఫ్యాషన్‌ హబ్‌ అండ్‌ వై వాటర్‌ సంస్థ’ అందించే అవార్డు ఈ ఏడాది నా ‘కుడ్‌ బీ’ డిజైన్‌కు దక్కడం సంతోషంగా ఉంది’ అని అంటోంది ప్రియాల్‌.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని