ఆ చారిత్రక కట్టడాల రూపశిల్పి ఆమే!
close
Updated : 28/03/2021 14:22 IST

ఆ చారిత్రక కట్టడాల రూపశిల్పి ఆమే!

కరీంనగర్‌ క్లాక్‌ టవర్‌, కమాన్‌... చార్మినార్‌, తాజ్‌మహల్‌, ఈఫిల్‌ టవర్‌... భారత పార్లమెంటు భవనం... ఇలా ప్రతి చారిత్రక కట్టడం ఆమె చేతిలో ప్రాణం పోసుకుంటుంది. అచ్చంగా ఆ నిర్మాణాలను అద్భుతంగా రూపొందిస్తున్నారు కరీంనగర్‌కు చెందిన బొడ్డు శ్రీమతి.
బోయవాడకు చెందిన శ్రీమతి చీపురు పుల్లలతో బొమ్మలను తయారుచేస్తారు. ఆమెచేతుల్లో ఈ పుల్లలు విల్లుల్లా వంగిపోతాయి. ఆమె అనుకున్న విధంగా ఒదిగిపోతాయి. ఇలా ఒక్కో బొమ్మను తయారుచేయడానికి రోజులో పది నుంచి పద్నాలుగు గంటలు వెచ్చిస్తారామె. కొన్నింటిని తయారుచేయడానికి నెలల కొద్ది టైమ్‌ పట్టినా ఓపికగా అద్భుతమైన కళాఖండాలను రూపొందిస్తారు. తాను ఎన్నో బొమ్మలను తయారుచేశానని అయితే పార్లమెంటు భవనంతోపాటు రామోజీ ఫిలింసిటీలోని అమ్యూజ్‌మెంట్‌ పార్కును తయారుచేయడానికి చాలా కష్టపడ్డానని చెబుతారామె. నటుడు చిరంజీవి డ్రీంహౌజ్‌ను తయారుచేసి ఇటీవలే ఆ కళాఖండాన్ని ఆయన కుమారుడు రాంచరణ్‌కు అందించారు శ్రీమతి.
చిన్ననాటి కోరిక... చిన్నతనంలో మామయ్య అట్టలతో బొమ్మలను తయారుచేయడం గమనించి తను కూడా చేయలనుకున్నా...  పెళ్లి, ఇతర బాధ్యతల్లో పడిపోవడంతో ఆ కోరిక నెరవేరలేదు. ఇప్పుడు  కుమారులిద్దరూ విదేశాల్లో స్థిరపడటంతో ఈ హస్తకళనే వ్యాపకంగా మార్చుకున్నారు.  తొలుత అట్టలతో చార్మినార్‌ తయారుచేసినా సరిగా కుదరలేదు. ఆ తర్వాత చీపురు పుల్లలతో మొదలుపెట్టి ఇప్పటివరకు ఎన్నో చారిత్రక కట్టడాలను తీర్చిదిద్దారు. బొమ్మల తయారీకి అసరమైన ప్రత్యేకమైన చీపురు పుల్లలను తన భర్త సుదర్శన్‌ గోదావరిఖని నుంచి తీసుకొస్తారని చెబుతారామె. ఈ పుల్లలను వంచుతూ ఫెవికాల్‌ ద్వారా బొమ్మల తయారీ పూర్తి చేస్తారు. ఇప్పుటి వరకు 40 కిలోల ఫెవికాల్‌ ఉపయోగించి అందంగా బొమ్మలను తీర్చిదిద్దడమే కాకుండా హస్తకళల్లో ‘వండర్‌ బుక్‌ ఆఫ్‌ వరల్డ్‌ రికార్డ్స్‌’లో తన పేరు నమోదు చేసుకున్నారు.

చారిత్రక నిర్మాణాలు.. భార్యాభర్తలు బట్టల దుకాణం నడుపుతున్నారు. ఆమె సమయం దొరికినప్పుడల్లా.. ఈ హస్తకళకు పదును పెడుతున్నారు. ఇప్పటివరకు పార్లమెంటు భవనం, తాజ్‌మహల్‌, ఎర్రకోట, గేట్‌వే ఆఫ్‌ ఇండియా, ఈఫిల్‌ టవర్‌, చార్మినార్‌, హైటెక్‌ సిటీ, రామోజీ ఫిలింసిటీలోని అమ్యూజ్‌మెంట్‌ పార్క్‌, కరీంనగర్‌ కమాన్‌, టవర్‌ సర్కిల్‌, పల్లకి, సైకిల్‌, ఎడ్లబండి, కారు... ఇలా ప్రతి ఒక్కటీ పుల్లలతో తయారుచేశారు. తాను తయారుచేసిన బొమ్మలన్నీ తన ఇంట్లోనే ప్రదర్శనగా పెట్టారు.

- అలీముద్దీన్‌, కరీంనగర్‌

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి