ఏపీని అన్ని విధాలా ఆదుకుంటాం : జైట్లీ

తాజావార్తలు


ఏపీని అన్ని విధాలా ఆదుకుంటాం : జైట్లీ
దిల్లీ : ఆంధ్రప్రదేశ్‌ ప్రత్యేక హోదా అంశంపై రాజ్యసభలో కేంద్ర ఆర్థిక శాఖ మంత్రి అరుణ్‌జైట్లీ మాట్లాడారు. ‘ఆంధ్రప్రదేశ్‌ ప్రత్యేక హోదాపై అందరిలోనూ భావోద్వేగం నెలకొంది. కేంద్ర మంత్రులు వెంకయ్య నాయుడు, సుజనా చౌదరి దాని గురించి చెప్పారు. భాష, నీరు, సంస్కృతి తదితర అంశాలు ఉద్వేగానికి గురిచేస్తాయి. వీటిని న్యాయబద్ధంగా, పారదర్శకంగా చేపట్టాలి. చిన్న రాష్ట్రాలు పరిపాలనాపరంగా బాగుంటాయని నమ్మే భాజపా నుంచి నేను వచ్చాను. వాజ్‌పేయ్‌ ప్రధానిగా ఉన్నప్పుడు మూడు కొత్త రాష్ట్రాలు ఏర్పడ్డాయి. అప్పుడు ఆయా రాష్ట్రాల అసెంబ్లీలు తీర్మానాలు చేశాయి. దీంతో రాజకీయ సంక్షోభం రాలేదు. జైరాం రమేశ్‌ గురువారం కొన్ని ప్రశ్నలు లేవనెత్తారు. ఆయన విభజనపై పుస్తకం కూడా రాశారు. ప్రైవేటు బిల్లు కూడా ఆయనే రూపొందించారని తెలిసింది.’ అని అన్నారు.

జైట్లీ ప్రసంగంలోని ముఖ్యాంశాలు
* ఉమ్మడి రాష్ట్రంలో ముఖ్యమైన హైదరాబాద్‌ తెలంగాణకు వెళ్లింది. ఇది ఆంధ్రప్రదేశ్‌ ఆదాయం కోల్పోవడానికి కారణమైంది. చంద్రబాబు సారథ్యంలో రాష్ట్ర ప్రభుత్వం ప్రణాళికాబద్ధంగా ముందుకు వెళ్తే, పరిశ్రమలు, వాణిజ్య సంస్థలు వచ్చి పారిశ్రామికంగా అభివృద్ధి చెందితే లోటు అధిగమిస్తారు. ఇందుకు కేంద్ర ప్రభుత్వం అన్ని విధాలుగాఏపీని ఆదుకుంటుంది.
* కేంద్ర ప్రభుత్వానికి కొన్ని రకాల వనరుల ద్వారా ఆదాయం వస్తోంది. సమాఖ్య విధానం ప్రకారం రాష్ట్రలకు ఆదాయం పంచగా కేంద్రానికీ సొంతంగా నిధులు కావాలి. ఆర్థిక సంఘం రాష్ట్రాలకు నిధులు ఎలా ఇవ్వాలనే విషయం పరిశీలిస్తుంది. ఉమ్మడి ఆంధ్రప్రదేశ్‌ అభివృద్ధి చెందిన రాష్ట్రం. ఆదాయం వచ్చే నగరాలు తెలంగాణకు వెళ్లడంతో ఏపీకి లోటు వచ్చింది. ఇది దురదృష్టకరం.
* విభజన చట్టం ప్రకారం కేంద్ర ప్రభుత్వం కొన్ని హామీలు ఇచ్చింది.అవి సెక్షన్‌ 9 ప్రకారం ఏపీ, తెలంగాణకు అదనపు పోలీసు బలగాలు ఇవ్వడం. సెక్షన్‌ 30 ప్రకారం హైకోర్టులు ఏర్పాటు చేయడం. వెనుక బడిన జిల్లాలు, రాయలసీమకు నిధులు ఇవ్వడం. సెక్షన్‌ 85 ప్రకారం నదీ జలాల నిర్వహణ బోర్డులు ఏర్పాటు చేయడం. పోలవరాన్ని జాతీయ ప్రాజెక్టుగా గుర్తింపు ఇవ్వడం. వీటితో పాటు అప్పటి ప్రధాని మన్మోహన్‌ సింగ్‌ కొన్ని అదనపు హామీలు ఇచ్చారు. ఏపీకి ప్రత్యేక హోదా కూడా ఇస్తామని హామీ ఇచ్చారు. 13వ షెడ్యూల్‌ ప్రకారం కేంద్ర సంస్థలు త్వరగా ఏపీలో ఏర్పాటు చేయాలి.

నెరవేర్చిన హామీలు ఇవి..
ఇప్పటికే ఆంధ్రప్రదేశ్‌లో ఐఐటీ, ఎన్‌ఐటీ, ఐఐఎమ్‌ వంటి విద్యాసంస్థలు ప్రారంభించాం. ఐఐఎస్‌సీ ఆగస్టులో ప్రారంభం అవుతోంది. కేంద్రీయ వర్సిటీ, ట్రిపుల్‌ ఐటీ, గిరిజన విశ్వవిద్యాలయం కోసం భూమి సేకరిస్తున్నారు. పట్టణ అభివృద్ధిలో భాగంగా విశాఖ మెట్రో డీపీఆర్‌ చేపట్టాం. రైల్వేజోన్‌ అంశంపై సురేశ్‌ప్రభు, జాతీయ రహదారుల అంశంపై గడ్కరీ దృష్టిపెట్టారు.

* పోలవరం నిధులు అందించేందుకు ఇతర వనరులు శోధిస్తున్నాం.నాబార్డు ద్వారా నిధులు అందిస్తాం. రాష్ట్రాలకే 42 శాతం నిధులు వెళ్తున్నప్పుడు.. ఉన్న నిధుల నుంచే వీటికి డబ్బులివ్వాలి. విడతల వారీగా నిధులు అందిస్తాం. రాష్ట్ర విభజన జరిగిన తొలి పది నెలల సమయంలో 13వ ఆర్థిక సంఘం నిబంధనలు అమలవుతాయి. అప్పటి వరకు దాని ప్రకారం నిధులు ఇచ్చాం. ఇప్పటికే రూ.2800 కోట్లు ఇచ్చాం. ఇక నుంచి 14వ ఆర్థిక సంఘం ప్రకారం ఇస్తాం. రాజధాని నిర్మాణానికి రూ.2050 కోట్లు ఇచ్చాం. వెనకడిన ప్రాంతాల కోసం ఇప్పటికే రూ.700 కోట్లు ఇచ్చాం. విడతల వారీగా ఇంకా ఇస్తాం. రాష్ట్రానికి రెండు రకాల పన్ను రాయితీలు ఇచ్చాం. కాంగ్రెస్‌ దీనిని వ్యతిరేకించింది. రాష్ట్రాన్ని అన్ని విధాలుగా ఆదుకుంటామని హామీ ఇస్తున్నాం.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.