close
మళ్లీ చంద్రబాబు గెలిస్తే బాగుండేది

కేంద్రంలోనూ అదే చర్చ
గుంటూరు ఎంపీ గల్లా జయదేవ్‌

మంగళగిరి, న్యూస్‌టుడే: రాజధాని అంతా ఒక చోట ఏర్పాటైతే రాష్ట్రం అభివృద్ధి చెందుతుందని, ఉద్యోగాలు వస్తాయని గుంటూరు లోక్‌సభ సభ్యుడు, తెదేపా పొలిట్‌బ్యూరో సభ్యుడు గల్లా జయదేవ్‌ వ్యాఖ్యానించారు. మంగళగిరి తెదేపా కార్యాలయంలో మంగళవారం ఆయన విలేకరులతో మాట్లాడారు. కేంద్ర మంత్రులతో కలిసినప్పుడు ఆంధ్ర ప్రజలు పొరపాటు చేశారని, మళ్లీ చంద్రబాబును గెలిపిస్తే ఎంతో బాగుండేదని అభిప్రాయపడుతున్నారని చెప్పారు. ‘ఐదేళ్లలో రాష్ట్రానికి 600 అవార్డులు కేంద్రం నుంచి మనకు వచ్చాయి. అన్ని ప్రభుత్వ శాఖలకు మన గొప్పదనం తెలుసు’ అని పేర్కొన్నారు. ‘రాష్ట్రంలో అన్ని జిల్లాల్లో అభివృద్ధికి నిధులు వెచ్చించాం. విశాఖ, కాకినాడ, అనంతపురం వంటి ప్రాంతాల్లోనూ నిధులు ఖర్చు చేసి అభివృద్ధి చేశాం’ అని ఆయన తెలిపారు. రాజధానిలో అనుసంధాన రహదారులకే రూ.9వేల కోట్లు వెచ్చించినట్లు పేర్కొన్నారు. అభివృద్ధి అనేది ఆర్థికపరమైన వెంచర్స్‌, రాజధాని కేంద్రంలోనే ఉండాలని అభిప్రాయపడ్డారు. హైదరాబాద్‌, చెన్నై, బెంగళూరు, ముంబయి ఇందుకు ఉదాహరణలని పేర్కొన్నారు. ‘ఇప్పుడు మనం వెనకబడిపోతున్నాం. అభివృద్ధికి భవిష్యత్తు ఉండాలంటే మనకు రాజధాని ఉండాలి’ అని పేర్కొన్నారు.

వైకాపా పాలనలో పొరుగు రాష్ట్రాలకు ఇసుక: ఆలపాటి
ఈనాడు, అమరావతి: వైకాపా అధికారంలోకి వచ్చి 4 నెలలు గడిచినా ఇసుకను ప్రజలకు అందుబాటులోకి తీసుకురాలేదని,  కొత్త ఇసుక విధానం ఆ పార్టీ నేతల జేబులు నింపుతోందని మాజీ మంత్రి, తెదేపా సీనియర్‌ నేత ఆలపాటి రాజేంద్రప్రసాద్‌ విమర్శించారు. గుంటూరులో మంగళవారం ఆయన మీడియాతో మాట్లాడారు. ‘మన రాష్ట్రంలో దొరకని ఇసుక పొరుగు రాష్ట్రాలకు తరలిపోతోంది. తెదేపా హయాంలో ట్రాక్టర్‌ ఇసుక రూ.1200 ఉంటే ఇప్పుడు రూ.7వేల నుంచి రూ.10వేలు వెచ్చించాల్సి వస్తోంది. లారీ ఇసుక రూ.40వేల నుంచి రూ.లక్షకు అమ్ముతున్నా ఎందుకు పట్టించుకోవడం లేదు’ అని ఆయన ప్రశ్నించారు. ప్రభుత్వ వైఖరికి నిరసనగా ఈనెల 25న ప్రదర్శనలు నిర్వహించనున్నామని చెప్పారు.

 

రాజకీయం

జిల్లా వార్తలు

దేవతార్చన


రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.