దేదీప్యమానం.. అనంతుని దీపోత్సవం

పద్మనాభం (విశాఖపట్నం), న్యూస్‌టుడే: విశాఖపట్నం జిల్లా పద్మనాభ క్షేత్రంలో శ్రీఅనంత పద్మనాభస్వామి వారి కొండ మెట్ల దీపోత్సవం బుధవారం వైభవంగా జరిగింది. భారీగా తరలివచ్చిన భక్తులు అనంతుని గిరిపై కొలువై ఉన్న అనంతపద్మనాభుని, కొండ దిగువున కుంతీమాధవున్ని, నారాయణేశ్వరస్వామిని దర్శించుకున్నారు. సాయంత్రం నాలుగు గంటలకు కుంతీమాధవస్వామి ఆలయం నుంచి అనంత పద్మనాభ స్వామివారి ఉత్సవమూర్తులను ఊరేగింపుగా తొలి పావంచా వద్దకు తీసుకువచ్చారు. సూర్యాస్తమయం వేళ..కొండపైన అర్చకులు జేగంట మోగించగానే ఉత్సవాన్ని ప్రారంభించారు. భక్తులు 1285 మెట్లకు ఇరువైపులా తైల దీపాలను వెలిగించారు. సుమారు రెండున్నర లక్షల మంది భక్తులు దర్శించుకున్నారని అధికారులు అంచనా వేశారు.


మరిన్ని