Hyderabad News: నాన్నను బతికించుకొనేందుకు ఆస్తులమ్మి.. షేర్లలో పెట్టి ఆత్మహత్య

లక్ష్మీనారాయణ

అమీన్‌పూర్‌, న్యూస్‌టుడే: షేర్‌ మార్కెట్‌లో నష్టం రావడంతో మనస్తాపానికి గురై ఓ సాఫ్ట్‌వేర్‌ ఉద్యోగి ఆత్మహత్య చేసుకున్నాడు. అమీన్‌పూర్‌ సీఐ శ్రీనివాసులురెడ్డి తెలిపిన ప్రకారం.. ఖమ్మం జిల్లా గోళ్లపాడుకు చెందిన గుడ్ల లక్ష్మీనారాయణ(37) అమీన్‌పూర్‌ పట్టణం పీజేఆర్‌ కాలనీలో ఉంటూ సాఫ్ట్‌వేర్‌ ఉద్యోగిగా ఇంటి నుంచి పనిచేస్తున్నాడు. తండ్రికి ఆరోగ్యం బాగా లేకపోవడంతో ఊళ్లోని ఆస్తులను అమ్మి ఆసుపత్రిలో చూపించారు. రూ.20 లక్షలు మిగలడంతో వాటిని షేర్‌ మార్కెట్‌లో పెట్టారు. మొత్తం నష్టపోవడంతో కుటుంబ సభ్యులు నిలదీశారు. మనస్తాపానికి గురై మంగళవారం రాత్రి ఉరేసుకొని ఆత్మహత్య చేసుకున్నాడు. కుటుంబసభ్యులు అమీన్‌పూర్‌ పోలీసులకు ఫిర్యాదు చేయగాకేసు నమోదు చేసి దర్యాప్తు చేస్తున్నారు. మృతుడికి భార్య, ఇద్దరు కుమారులున్నారు.


మరిన్ని

ap-districts
ts-districts