బ్రేకింగ్

ఎర్రకోటపై కాంగ్రెస్‌ జెండా ఎగరడం ఖాయం: రేవంత్‌

మహబూబాబాద్‌: ఎర్రకోటపై కాంగ్రెస్‌ జెండా ఎగురుతుందని, రాహుల్‌గాంధీ ప్రధానిగా ప్రమాణస్వీకారం చేస్తారని ముఖ్యమంత్రి రేవంత్‌రెడ్డి ధీమా వ్యక్తం చేశారు. ప్రజాస్వామ్యాన్ని రక్షించడానికి పార్లమెంట్‌ ఎన్నికల్లో విజయం సాధించడం చాలా అవసరమన్నారు. మహబూబాబాద్‌లో నిర్వహించిన కాంగ్రెస్‌ జనజాతర సభలో రేవంత్‌ ప్రసంగించారు. ‘‘తెలంగాణ ఏర్పాటును ప్రధాని మోదీ ఎన్నోసార్లు అవమానించారు. రాష్ట్ర ఏర్పాటు చెల్లదని పార్లమెంట్‌ సాక్షిగా అన్నారు. రాష్ట్ర ఏర్పాటునే ప్రశ్నించిన భాజపాకి ఎందుకు ఓటు వేయాలి? కుమార్తె కవిత బెయిల్‌ కోసం మోదీతో కేసీఆర్‌ చేతులు కలిపారు. తెలంగాణ ఆత్మగౌరవాన్ని మోదీ కాళ్లదగ్గర తాకట్టు పెట్టారు’’ అని రేవంత్‌ విమర్శించారు.