Health Insurance: ఫ్యామిలీ ఫ్లోట‌ర్ గురించి తెలుసా? - Family-Floater-Policy
close

Updated : 10/05/2021 09:51 IST
Facebook Share Twitter Share WhatsApp Share Telegram Share Link Share

Health Insurance: ఫ్యామిలీ ఫ్లోట‌ర్ గురించి తెలుసా?

ఫ్యామిలీ ఫ్లోటర్ ద్వారా కుటుంబ సభ్యులందరికీ ఒక పాలసీలోనే తక్కువ ప్రీమియంతో ఎక్కువ ప్రయోజనం పొందవచ్చు.  కుటుంబ సభ్యులలో ఏ ఒక్కరికి అనారోగ్యం వ‌చ్చినా ఈ పాలసీ ద్వారా చికిత్స పొందవచ్చు. ఇవి ఇద్దరు పెద్దలకు లేదా ఇద్దరు పెద్దలతోపాటు ఒక సంతానం ఉన్నవారికి, ఇద్దరు పెద్దలు వారితోపాటు ఇద్దరు సంతానం ఉన్నవారికి, కుటుంబంలో ఉండే తల్లిదండ్రులు/ జీవిత భాగ‌స్వామి త‌ల్లిదండ్రుల‌ను కలిపి పాలసీ తీసుకునే వెసులుబాటు కల్పించారు.  

అయితే ఫామిలీ ఫ్లోటర్ పాలసీలో చాలా వరకు బీమా కంపెనీలు గరిష్టంగా ఇద్దరు పెద్దలకు(18-65 ఏళ్ళ వరకు వయసు గల వారు) మాత్రమే అనుమతిస్తున్నారు.  2-4 పిల్లలను (గరిష్టంగా 21-25 ఏళ్ళ వరకు వయసు గల వారు) చేర్చవచ్చు. ఒకవేళ ఈ గరిష్ట వయసు దాటినట్టయితే, వారిని బీమా కంపెనీలు పెద్దలుగా పరిగణిస్తాయి కాబట్టి,  పిల్లలకు విడిగా వేరొక పాలసీ తీసుకోవాల్సి ఉంటుంది.  

ఫ్యామిలీ ఫ్లోటర్ అందించే ప్ర‌యోజ‌నాలు:

* ఫ్యామిలీ ఫ్లోటర్‌ పాలసీ హామీ పరిధిలో పైన తెలిపిన  కుటుంబసభ్యులు వస్తారు.  
* ఒక ఏడాదిలో కుటుంబ సభ్యులెవరైనా , ఒక‌రు గానీ లేదా అందరూ గానీ ఈ బీమా హామీని వినియోగించుకోవచ్చు. 
* కుటుంబంలోని మూడు నెలల చిన్నారుల నుంచి 65ఏళ్ల వయసున్న పెద్దల వరకు కలుపుకొని ఈ పాలసీ తీసుకోవచ్చు.
* పాలసీలో పెద్ద వయసువారిని దృష్టిలో ఉంచుకొని ప్రీమియం విధిస్తారు.
* ఈ పాలసీలు ప్రతి సంవత్సరం పునరుద్ధరించుకోవాల్సి ఉంటుంది. ప్రస్తుతం కొన్ని కంపెనీలు రెండేళ్లకు ఒక‌సారి పునరుద్ధరించుకునే అవకాశాన్ని కల్పిస్తున్నాయి. ఫ్యామిలీ ఫ్లోటర్ పాలసీలో క్లెయిమ్ చెల్లింపు వ్యక్తిగత ఆరోగ్య పాలసీల మాదిరిగానే  ఉంటుంది.
* పాలసీని బట్టి సంవత్సరానికి ఒకసారి లేదా మూడేళ్లకోసారి ఆరోగ్య పరీక్షల ఖర్చును క్లెయిమ్ చేసుకోవచ్చు.
* పాలసీదారుడు ఎలాంటి క్లెయిం చేయకపోతే నోక్లెయిం బోనస్ పొందొచ్చు.  
* ముందస్తుగా ఉన్న వ్యాదులు కొన్నింటికయితే 2 ఏళ్లు,  తీవ్రమైన  వ్యాధులకు  3 లేదా 4ఏళ్ల తర్వాత బీమా వర్తిస్తుంది. 
* పాలసీలో ఏ సభ్యుడు మృతి చెందినా, మిగిలిన సభ్యులకు యథాతథంగా పాలసీ కొనసాగుతుంది. ఈ విషయం  బీమా కంపెనీకి తెలియచేయడం వలన , పునరుద్ధరణ సమయంలో ప్రీమియం తగ్గే అవకాశం ఉంటుంది. 
* ఈ ఫ్యామిలీ ఫ్లోటర్‌ పాలసీకి కొత్త సభ్యులను చేర్చడం సులభం. కుటుంబంలోకి వచ్చిన జీవితభాగస్వామిని, చిన్నారులను,  జీవిత భాగ‌స్వామి త‌ల్లిదండ్రుల‌ను సులభంగా ఇందులో చేర్చవచ్చు. 


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని