close

తాజా వార్తలు

Published : 30/10/2020 21:32 IST
Facebook Share Twitter Share WhatsApp Share Telegram Share

‘శ్రీదేవి సోడా సెంటర్‌’ అంటున్న సుధీర్‌బాబు

‘మనోడు లైటింగ్ ఎడితే ఊరంతా మెరిసిపోద్ది..’

హైదరాబాద్‌: యువ కథానాయకుడు సుధీర్‌బాబు ‘సూరిబాబు’గా మారారు. ఆయన కొత్త సినిమాను శుక్రవారం సాయంత్రం ప్రకటించారు. దీనికి ‘శ్రీదేవి సోడా సెంటర్‌’ అనే టైటిల్‌ను ఖరారు చేశారు. కరుణ కుమార్‌ దర్శకత్వం వహిస్తున్న ఈ సినిమాను 70ఎమ్‌ఎమ్‌ ఎంటర్‌టైన్‌మెంట్స్‌ పతాకంపై విజయ్‌ చిల్లా, శశి దేవిరెడ్డి సంయుక్తంగా నిర్మిస్తున్నారు. మణిశర్మ బాణీలు సమకూరుస్తున్నారు. ‘మనోడు లైటింగ్ ఎడితే ఊరంతా మెరిసిపోద్ది..’ అంటూ ఈ సినిమా మోషన్‌ పోస్టర్‌ను సుధీర్‌ షేర్‌ చేశారు. జాతర వాతావరణాన్ని చూపిస్తూ.. ఆయన లుక్‌ను విడుదల చేశారు. ఇందులో సుధీర్‌ సరసన ఎవరు సందడి చేయబోతున్నారో తెలియాల్సి ఉంది. అమలాపురం నేపథ్యంలో ఈ చిత్రాన్ని రూపొందిస్తున్నట్లు తెలుస్తోంది.

సుధీర్‌బాబు ఇటీవల ‘వి’ సినిమాతో ప్రేక్షకుల ముందుకు వచ్చారు. ఆయన డీసీపీ ఆదిత్యగా నటించిన తీరుకు ప్రశంసలు దక్కాయి. మరోపక్క ప్రముఖ బ్యాడ్మింటన్ క్రీడాకారుడు పుల్లెల గోపీచంద్‌ బయోపిక్‌లోనూ ఆయన నటించనున్నారు. ఈ సినిమా కోసం గత కొంత కాలంగా కసరత్తులు చేస్తున్నారు. తెలుగుతోపాటు హిందీలోనూ ఈ ప్రాజెక్టు రూపొందనుంది. ‘ఈ బయోపిక్‌ స్క్రిప్టు సిద్ధంగా ఉంది. డిసెంబరులో షూటింగ్‌ ప్రారంభించే అవకాశాలున్నాయి. 2021 టోక్యో ఒలింపిక్స్‌ కంటే ముందు చిత్రాన్ని విడుదల చేయాలని టార్గెట్‌ పెట్టుకున్నాం. ఎంతో స్ఫూర్తినిచ్చే గోపీచంద్‌ జీవిత కథ దేశంలోని ప్రతి ఒక్కరికీ తెలియాలి. ఈ సినిమా చూసిన తర్వాత కొందరైనా క్రీడాకారులుగా మారితే నా లక్ష్యం నెరవేరినట్లే’ అని ఇటీవల సుధీర్‌ అన్నారు.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.