Delta Variant: జో బైడెన్‌, ఫౌచీ ఆందోళన! - biden and fauci concerns on delta variant
close
Published : 09/06/2021 20:27 IST
Facebook Share Twitter Share WhatsApp Share Telegram Share Link Share

Delta Variant: జో బైడెన్‌, ఫౌచీ ఆందోళన!

వాషింగ్టన్: భారత్‌లో వేగంగా వ్యాపిస్తోన్న కరోనా డెల్టా వేరియంట్‌.. అమెరికాకు కూడా వ్యాప్తి చెందుతోందని అమెరికా అధ్యక్షుడు జో బైడెన్, ప్రముఖ అంటువ్యాధుల నిపుణుడు ఆంథోని ఫౌచీ ఆందోళన వ్యక్తం చేస్తున్నారు. తొందరగా వ్యాక్సిన్‌ వేయించుకోవాలని దేశ పౌరులను కోరుతున్నారు.‘‘ ప్రజలారా, డెల్టా వేరియంట్‌ అత్యంత ప్రమాదకర కొవిడ్‌-19 స్ట్రెయిన్‌. యూకేలో ఈ డెల్టా వేరియంట్‌ 12 - 20 ఏళ్ల వయస్కుల్లో వేగంగా వ్యాపిస్తోంది. మీరు ఆ వయసు వారై.. వ్యాక్సిన్‌ ఇంకా తీసుకోకుండా ఉంటే త్వరపడండి. వెంటనే వ్యాక్సిన్‌ వేయించుకోండి. మనల్ని, మనల్ని ప్రేమించేవారిని రక్షించుకోవడానికి వ్యాక్సినేషన్‌ ఒక్కటే మార్గం’’అని బైడెన్‌ ట్వీట్ చేశారు. 

అంటువ్యాధుల నిపుణులు ఆంథోనీ ఫౌచీ డెల్టా వేరియంట్‌పై స్పందిస్తూ అమెరికాలో నమోదవుతున్న కొత్త కేసుల్లో ఆరు శాతం డెల్టా వేరియంట్‌వేనని తెలిపారు. అంతకన్నా ఎక్కువే ఉండే అవకాశాలున్నాయని, వాటిపై యూఎస్‌ శాస్త్రవేత్తలు పరిశోధనలు చేస్తున్నట్లు పేర్కొన్నారు. ‘‘యూకేలో గుర్తించిన ఆల్ఫా వేరియంట్‌ కన్నా డెల్టా వేరియంట్‌ మరింత ప్రమాదకారిగా మారుతోంది. ఆల్ఫా వేరియంట్‌ను మించిపోతుంది. యూకేలో నమోదవుతున్న తాజా కేసుల్లో 60శాతం కేసులు ఈ వేరియంట్‌వే. యూకేలో జరుగుతున్నట్లు అమెరికాలో జరగనివ్వం’’అని మీడియా సమావేశంలో ఫౌచీ వెల్లడించారు.

ప్రస్తుతం అమెరికాలో 63.7శాతం మంది ప్రజలు కనీసం ఒక్క కొవిడ్‌ వ్యాక్సిన్‌ డోసును అయినా తీసుకున్నారు. 12 రాష్ట్రాల్లో వ్యాక్సినేషన్‌ 70శాతం పూర్తయింది. జులై 4 నాటికి 18 ఏళ్లుపైబడిన అమెరికన్లలో 70శాతం మందికి కనీసం ఒక్క డోసు వ్యాక్సిన్‌ అయినా ఇవ్వాలని దేశాధ్యక్షుడు బైడెన్‌ లక్ష్యంగా పెట్టుకున్నారు. ఈ క్రమంలో అమెరికా వ్యాప్తంగా అధికారులు వ్యాక్సినేషన్‌పై పెద్ద ఎత్తున్న అవగాహన కార్యక్రమాలు చేపట్టడంతోపాటు వ్యాక్సిన్ తీసుకునే వారికి ప్రోత్సాహకాలు కూడా ఇస్తున్నారు. 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని