ICMR : లాక్‌డౌన్ల తొలగింపులపై తొందర వద్దు..! - low positivity high vaccination.. top medical body chiefs unlock guide
close
Updated : 02/06/2021 12:52 IST
Facebook Share Twitter Share WhatsApp Share Telegram Share Link Share

ICMR : లాక్‌డౌన్ల తొలగింపులపై తొందర వద్దు..!

ఇంటర్నెట్‌డెస్క్‌: లాక్‌డౌన్ల ఎత్తివేత ప్రక్రియను అత్యంత జాగ్రత్తగా నిర్వహించాలని ఐసీఎంఆర్‌ సూచించింది.  కరోనా థర్డ్‌ వేవ్‌ను దృష్టిలో ఉంచుకొని వ్యూహాత్మకంగా వ్యవహరించాలని ఐసీఎంఆర్‌ చీఫ్‌ బలరామ్‌ భార్గవ తెలిపారు. ఇందుకోసం ఆయన మూడు అంశాల ప్రణాళికను సూచించారు.  తక్కువ పాజిటివిటీ రేటు, అత్యధిక మందికి టీకాలు , కొవిడ్‌ నిబంధనలతో కూడిన ప్రవర్తన వంటి అంశాలను రాష్ట్రాలు పరిగణనలోకి తీసుకొని లాక్‌డౌన్ల సడలింపులపై నిర్ణయం తీసుకోవాలన్నారు.

ప్రతివారం పాజిటివిటీ రేటు 5శాతం కంటే తక్కువగా ఉండి.. కొవిడ్‌ ముప్పు అధికంగా ఉన్నవర్గాలకు 70శాతం టీకాలు వేసి.. సామాజిక బాధ్యతగా ప్రజలు కొవిడ్‌ నిబంధనలు పాటిస్తుంటే.. ఆ ప్రాంతాల్లో మాత్రం లాక్‌డౌన్లు తొలగించవచ్చన్నారు. పరీక్షలను పెంచి.. జిల్లా స్థాయిలో కంటైన్మెంట్‌లను ఏర్పాటు చేయడం అంత ప్రభావ వంతంగా ఉండదని చెప్పారు. లాక్‌డౌన్‌లను అత్యంత నెమ్మదిగా సడలించాలని అభిప్రాయపడ్డారు.  భార్గవ చెప్పిన సలహాలను ఇప్పటి వరకు నేషనల్‌ డిజాస్టర్‌ మేనేజ్‌మెంట్‌ అథారిటీ అధికారిక మార్గదర్శకాల్లో చేర్చలేదు.

వ్యాక్సినేషన్‌పై బలరామ్‌ భార్గవ మాట్లాడుతూ.. జులై మధ్య నాటికి లేదా ఆగస్టు మొదటి వారం నాటికి దేశంలో రోజుకు కోటి మందికి టీకాలు అందించే అవకాశం ఉందని ఆశాభావం వ్యక్తం చేశారు. ‘‘టీకాలకు కొరత లేదు. ప్రస్తుతం దేశంలో అందరు టీకాలు వేయించుకోవాలనుకుంటున్నారు. దేశం మొత్తానికి ఒక్క నెలలో టీకాలు వేయలేము కదా. మన జనాభా అమెరికా జనాభా కంటే నాలుగు రెట్లు ఎక్కువ. కొంత ఓపిక పట్టాలి. జులై మధ్య నాటికి, లేదా ఆగస్టు నాటికి రోజుకు కోటిమందికి టీకాలు వేసే అవకాశం ఉంది’’ అని ఆయన తెలిపారు.   

ఏప్రిల్‌ 27 నుంచి మే 3 వరకు దేశ వ్యాప్తంగా ఉన్న 21.39శాతం పాజిటివిటీ రేటు ప్రస్తుతం 8.3 శాతానికి తగ్గింది. మే31 నాటికి దేశవ్యాప్తంగా 344 జిల్లాల్లో 5శాతం కంటే తక్కువ పాజిటివిటీ రేటు నమోదువుతోంది. మే మొదటి వారంలో ఈ స్థాయి పాజిటివిటీ రేటు ఉన్న జిల్లాల సంఖ్య 92 మాత్రమే కావడం విశేషం.  దేశ వ్యాప్తంగా మే7న నాలుగు లక్షలకుపైగా కేసులు నమోదు కాగా.. బుధవారం వాటి సంఖ్య 1.32 లక్షలకు తగ్గింది.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని