IPL 2021: ఆ స్టార్‌ ఆటగాళ్లు వచ్చేశారు.. - mumbai indians player kieron pollard csk stars du plessis dwayne bravo imran tahir arrive in uae
close
Published : 17/09/2021 23:46 IST
Facebook Share Twitter Share WhatsApp Share Telegram Share Link Share

IPL 2021: ఆ స్టార్‌ ఆటగాళ్లు వచ్చేశారు..

(Photo: Mumbai Indians Twitter)

ఇంటర్నెట్ డెస్క్‌: యూఏఈ వేదికగా మరో రెండు రోజుల్లో ఐపీఎల్-14 సీజన్‌ రెండో దశ ప్రారంభంకాబోతోంది. టోర్నీలో వివిధ జట్లకు ప్రాతినిధ్యం వహిస్తున్న భారత ఆటగాళ్లతో పాటు కొంతమంది విదేశీ ఆటగాళ్లు యూఏఈకి చేరుకున్నారు. వీరిలో కొంతమంది క్వారంటైన్‌ పూర్తి చేసుకుని వారి జట్టులో కలిశారు. మరికొంతమంది ఇంకా క్వారంటైన్‌లో ఉన్నారు. కాగా, మ్యాచ్‌లకు సమయం దగ్గరపడుతుండటంతో ఇంకా యూఏఈకి చేరుకోని విదేశీ ఆటగాళ్లను రప్పించేందుకు ఫ్రాంచైజీలు ఏర్పాట్లు చేస్తున్నాయి. ముంబయి ఇండియన్స్‌ జట్టు ప్రధాన ఆటగాడు కీరన్‌ పొలార్డ్‌, చెన్నై సూపర్‌ కింగ్స్‌ కీలక ఆటగాళ్లు డ్వాన్ బ్రావో, డుప్లెసిస్‌, ఇమ్రాన్‌ తాహీర్‌ శుక్రవారం యూఏఈకి చేరుకున్నారు. 

అక్కడి నిబంధనల ప్రకారం వీరంతా ఆరురోజుల క్వారంటైన్‌ అనంతరం జట్లలో కలవాల్సి ఉంటుంది. దీంతో ఆదివారం డిఫెండింగ్ ఛాంపియన్ ముంబయి ఇండియన్స్‌, చెన్నై సూపర్‌ కింగ్స్‌ మధ్య జరగనున్న మ్యాచ్‌కు ఈ ఆటగాళ్లు అందుబాటులో ఉండటం అనుమానమే. ఐపీఎల్ వాయిదాపడేనాటికి ఏడు మ్యాచులు ఆడిన చెన్నై సూపర్‌ కింగ్స్‌.. ఐదు విజయాలు సాధించి పాయింట్ల పట్టికలో రెండో స్థానంలో ఉంది. ముంబయి ఇండియన్స్‌ ఏడు మ్యాచ్‌ల్లో నాలుగింటిలో నెగ్గి నాలుగో స్థానంలో ఉంది.





మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని