Dhanush: శేఖర్‌.. నాకెంతో ఇష్టమైన దర్శకుడు - dhanush excited to work with sekhar kammula
close
Published : 20/06/2021 01:34 IST
Facebook Share Twitter Share WhatsApp Share Telegram Share Link Share

Dhanush: శేఖర్‌.. నాకెంతో ఇష్టమైన దర్శకుడు

కొత్త ప్రాజెక్ట్‌పై హీరో ట్వీట్‌

హైదరాబాద్‌: టాలీవుడ్‌ క్లాసిక్‌ డైరెక్టర్‌ శేఖర్‌కమ్ముల అంటే తనకెంతో అభిమానమని కోలీవుడ్‌ స్టార్ హీరో ధనుష్‌ తెలిపారు. త్వరలో వీరిద్దరి కాంబినేషన్‌లో ఓ సరికొత్త చిత్రం రూపుదిద్దుకోనున్న విషయం తెలిసిందే. ఈ నేపథ్యంలో తన కొత్త ప్రాజెక్ట్‌ గురించి స్పందిస్తూ శనివారం ధనుష్‌ ఓ ట్వీట్‌ పెట్టారు.

‘నాకెంతో ఇష్టమైన దర్శకుల్లో శేఖర్‌కమ్ముల ఒకరు. ఆయన నుంచి ఎంతో ప్రేరణ పొందాను. ఆయనతో కలిసి పని చేయడం కోసం ఆత్రుతగా ఎదురు చూస్తున్నాను. మూడు భాషల్లో విడుదల కానున్న ఈ సినిమా కోసం శ్రీ వెంకటేశ్వర సినిమాస్ బ్యానర్‌, నారాయణ్‌దాస్‌ నారంగ్‌, రామ్మోహన్‌రావులతో కలిసి పనిచేయడం ఆనందంగా ఉంది. ప్రాజెక్ట్‌ కోసం ఆశగా ఎదురు చూస్తున్నాను’ అని ధనుష్‌ ట్వీట్‌ చేశారు.

ధనుష్‌ కథానాయకుడిగా నటించిన ‘జగమే తంత్రం’ శుక్రవారం ఓటీటీలో విడుదలయ్యింది. ఇందులో ధనుష్‌ మాస్‌ గ్యాంగ్‌స్టర్‌ లుక్‌లో ఆకట్టుకున్నారు. ప్రస్తుతం ఆయన చేతిలో ‘అత్రాంగి రే’, ‘ది గ్రే మ్యాన్‌’ ప్రాజెక్టులున్నాయి. సెకండ్‌వేవ్‌ కారణంగా వాయిదా పడిన ఆ సినిమా షూటింగ్స్‌ తిరిగి త్వరలోనే పట్టాలెక్కనున్నాయి. మరోవైపు, శేఖర్‌కమ్ముల విషయానికి వస్తే ప్రస్తుతం ఆయన ‘లవ్‌స్టోరీ’ చిత్రీకరణ పనుల్లో బిజీగా ఉన్నారు. ‘లవ్‌స్టోరీ’ విడుదల తర్వాత శేఖర్‌కమ్ముల-ధనుష్‌ ప్రాజెక్ట్‌ పట్టాలెక్కే అవకాశం ఉన్నట్లు సమాచారం.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని