Love Story: మా ప్రయాణం ఆగిపోతుందనే బాధ కలిగింది: నాగ చైతన్య - telugu news naga chaitanya about lovestory
close
Published : 29/09/2021 02:11 IST
Facebook Share Twitter Share WhatsApp Share Telegram Share Link Share

Love Story: మా ప్రయాణం ఆగిపోతుందనే బాధ కలిగింది: నాగ చైతన్య

ఇంటర్నెట్‌ డెస్క్‌: దర్శకుడు శేఖర్‌ కమ్ముల నుంచి ఎన్నో కొత్త విషయాలు తెలుసుకున్నానని, సినిమా విడుదలతో ఆ ప్రయాణం ఆగిపోతుందనే బాధ కలిగిందని నటుడు నాగ చైతన్య అన్నారు. ఆయన హీరోగా శేఖర్‌ కమ్ముల తెరకెక్కించిన చిత్రం ‘లవ్‌స్టోరి’. సాయి పల్లవి కథానాయిక. ఇటీవల విడుదలైన ఈ సినిమాకి ప్రేక్షకుల నుంచి విశేష స్పందన లభిస్తోంది. ఈ సందర్భంగా చిత్ర బృందం సక్సెస్‌ మీట్‌ని ఏర్పాటు చేసింది.

నాగ చైతన్య మాట్లాడుతూ.. ‘నా ప్రతి సినిమా విడుదలైన తొలిరోజు ప్రేక్షకుల స్పందన ఏంటి? క్రిటిక్స్‌ ఏమంటున్నారు?అని తెలుసుకుంటా. వాటినిబట్టి ముందుకెళ్తుంటా. కొవిడ్‌ కారణంగా కొన్నాళ్లు దీనికి దూరమయ్యా. ఈ నెల 24న ‘లవ్‌స్టోరి’ విడుదల కావడంతో ఎంతో ఆనందించాను. థియేటర్‌కి వచ్చిన తెలుగు సినిమా అభిమానులందరికీ చాలా థ్యాంక్స్‌. దర్శకుడు శేఖర్‌ కమ్ముల నుంచి ఎన్నో కొత్త విషయాలు నేర్చుకున్నా. సినిమా విడుదలతో మా ప్రయాణం ఆగిపోతుందనే బాధ కలిగింది. ఈ జర్నీని ఆపొద్దు సర్‌!’ అని శేఖర్‌ కమ్ములని కోరారు.


సాయి పల్లవి మాట్లాడుతూ.. ‘మా తాతయ్యతో కలిసి ‘అన్నమయ్య’ చిత్రాన్ని సుమారు 100 సార్లు చూశా. సుమన్‌, నాగార్జున కాంబినేషన్‌లో వచ్చే ఓ సన్నివేశం చూసి తాత ఏడుస్తుంటే నేను నవ్వేదాన్ని. ఈ పాత్ర గురించి నటిగా మారిన తర్వాత తెలిసింది. ఓ పాత్ర పోషిస్తే అది ప్రేక్షకుల హృదయంలో ఎప్పటికీ నిలిచిపోవాలనే విషయాన్ని నాగార్జున సర్‌ నుంచే నేర్చుకున్నా. చిత్ర బృందం సమష్టి కృషి వల్లే ఈ సినిమా అద్భుతంగా వచ్చింది. విజయాన్ని అందించిన ప్రేక్షకులకి ధన్యవాదాలు’ అన్నారు.


శేఖర్‌ కమ్ముల మాట్లాడుతూ.. ‘ఈ సినిమా ఎలాంటి ఫలితం అందుకుంటుందోనని ప్రీ రిలీజ్‌ ఈవెంట్‌లో టెన్షన్‌ పడ్డాను. సున్నితమైన ఈ ప్రేమకథని ప్రేక్షకులు ఎలా ఆదరిస్తారో అనే భయం ఉండేది. ప్రస్తుతం చాలా సంతోషంగా ఉన్నా. దాదాపు మూడేళ్లు ఈ కథతో ప్రయాణించా. ఈ సినిమాకి పనిచేసిన ప్రతి ఒక్కరికీ థ్యాంక్స్‌. ప్రీ రిలీజ్‌ ఈవెంట్‌కి చిరంజీవి గారు రావడం వల్ల ఈ సినిమాకి ఎక్కువ మందికి చేరింది’ అని తెలిపారు. ఈ కార్యక్రమంలో నటి ఈశ్వరీ రావు, నిర్మాత సురేశ్‌ బాబు,  గాయని మంగ్లీ, గేయ రచయిత సుద్దాల అశోక్‌ తేజ తదితరులు పాల్గొన్నారు.


 




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని