ఆ లాయర్‌ ఎత్తు ఎంతంటే..?

తాజా వార్తలు

Updated : 11/07/2021 03:35 IST

ఆ లాయర్‌ ఎత్తు ఎంతంటే..?

జలంధర్‌: సంకల్పం దృఢంగా ఉంటే ఎన్ని అవరోధాలు, అవమానాలు ఎదురైనా లక్ష్యాన్ని సాధించవచ్చని నిరూపించారు పంజాబ్​కు చెందిన హర్విందర్​కౌర్​ అలియాస్‌ రూబీ (24). మూడు అడుగుల 11 అంగుళాల ఎత్తున్న ఆమె.. లాయర్​ కొలువు సాధించి అనేక మందికి ఆదర్శంగా నిలుస్తున్నారు. దివ్యాంగుల కోసం కోర్టులో ఉచితంగా వాదనలు వినిపిస్తానని పేర్కొంటున్నారు. తోటివారు హేళన చేస్తున్నారని స్కూల్ మానేసిన రూబీ.. లాయర్​గా ఎలా మారారో తెలిస్తే ఎవరైనా ప్రశంసించకుండా ఉండలేరు.

జలంధర్​ రామ మండిలోని అర్మాన్‌నగర్​లో నివసించే రూబీ జీవితం పదేళ్ల వరకు సాఫీగానే సాగింది. తోటి పిల్లలతో కలిసి సరదాగా ఆడుకునేది. అయితే వయసు పెరుగుతున్నా ఆమె ఎత్తు అంతగా పెరగలేదు. దీంతో తాను ఇతరుల్లా కాదని రూబీకి తన పదో ఏటనే అర్థమైంది. ఇతరులు తనను చిన్నచూపు చూడటం, గేలి చేయడం భరించలేకపోయింది. దీంతో పాఠశాలకు వెళ్లడం తగ్గించేసింది. ఇంట్లోనే ఎక్కువ సమయం గడిపేది. ఇంట్లోనే చదువుకుంటూ 10వ తరగతి, ఇంటర్‌ పాసయ్యింది. తన శక్తిసామర్థ్యాలపై తనకే విశ్వాసం సన్నగిల్లితున్న తరుణంలో ఆత్మవిశ్మాసాన్ని పెంపొందించుకుంది. ఏదైనా సాధించాలని నిశ్చయించుకొంది. డిగ్రీలో అడ్మిషన్‌ తీసుకొని రెగ్యులర్‌గా కాలేజీకి వెళ్లేది.

తాను మొదట ఎయిర్ హోస్టెస్ కావాలనుకున్నానని, కానీ అది సాధ్యం కాదని తెలిసి లాయర్​ అవ్వాలనుకున్నట్లు రూబీ పేర్కొన్నారు. తమ ఇంట్లో అందరూ సాధారణ ఎత్తే ఉంటారని తెలిపారు. కేవలం లా పూర్తి చేయడమే కాకుండా, అందరి మనసులు గెలుచుకోవాలని తాను అనుకున్నట్లు వివరించారు. లాయర్​ అయ్యాక అందరూ తనను గౌరవిస్తున్నారని సంతోషం వ్యక్తం చేశారు. ప్రస్తుతం జిల్లా బార్ అసోసియేషన్ ఉపాధ్యక్షుడు జగ్​పాల్ సింగ్​ వద్ద లా ప్రాక్టీస్​ చేస్తున్నారు. దివ్యాంగుల తరఫున కోర్టులో ఉచితంగా వాదిస్తానని చెబుతున్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని