నాడు ఖేదం.. నేడు మోదం

తాజా వార్తలు

Published : 02/02/2021 23:20 IST

నాడు ఖేదం.. నేడు మోదం

సకల సౌకర్యాలతో ముస్తాబైన సిరిసిల్ల ప్రభుత్వ పాఠశాల

ఇంటర్నెట్‌ డెస్క్‌: సర్కారు బడి అంటే విరిగిన కుర్చీలు, తిరగని ఫ్యానులు, వెలగని బల్బులు, తాగు నీటి కోసం ఇక్కట్లు, సౌచాలయాలు లేక అవస్థలు.. ఇలా సమస్యలే గుర్తొస్తాయి. కానీ సిరిసిల్ల గీతానగర్‌లోని ప్రభుత్వ ఉన్నత పాఠశాలను చూస్తే మాత్రం ఇది సర్కారు బడేనా అంటూ ఆశ్చర్యపోవాల్సిందే. కరోనా విజృంభణతో ఇళ్లకు వెళ్లిన విద్యార్థులు తిరిగివచ్చేసరికి ఆ పాఠశాల రూపురేఖలే మారిపోయాయి. మంత్రి కేటీఆర్‌ చొరవతో కార్పొరేట్‌ స్కూల్‌ను తలదన్నేలా ముస్తాబుచేశారు. సీఎస్‌ఆర్‌ నిధులతో ప్రైవేటు, ప్రభుత్వ భాగస్వామ్యంతో పాఠశాలను తీర్చిదిద్దారు. ఒకప్పుడు శిథిలావస్థలో ఉన్న తరగతి గదులు నేడు ఆధునిక హంగులతో మెరిసిపోతున్నాయి. వసతుల లేమితో సతమతమైన పాఠశాల నేడు అత్యాధునిక హంగులతో విద్యార్థులకు ఆహ్వానం పలుకుతోంది.

సుమారు రూ.3 కోట్లు వెచ్చించి పాఠశాలను అభివృద్ధి చేశారు. దాదాపు 1000 మంది విద్యార్థులు విద్యనభ్యసించేలా 20 తరగతి గదులు, గ్రంథాలయం, 32 కంప్యూటర్లతో ల్యాబ్‌ సహా ఇంటర్నెట్‌ సౌకర్యం కల్పించారు. 400 మంది విద్యార్థులు ఒకేసారి కూర్చొని భోజనం చేసేలా భోజనశాల, బాలికలకు నిరంతరం రక్షణ కల్పించేలా 12 సీసీ కెమెరాలను ఏర్పాటుచేశారు. క్రీడా మైదానం పాఠశాలకు ప్రత్యేక ఆకర్షణగా నిలుస్తోంది. అందుబాటులోకి వచ్చిన సౌకర్యాలతో మురిసిపోతున్న విద్యార్థులు, ఉపాధ్యాయులు మంత్రి కేటీఆర్‌కు ధన్యవాదాలు తెలిపారు.

ఇవీ చదవండి...

నా భర్త చదివిన పాఠశాల ఫొటో తీయండి

జైలులో పద్మజ కేకలు
 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని