చట్టాన్ని ఉల్లంఘించిన బలగాలపై చర్యలు
close

తాజా వార్తలు

Published : 18/09/2020 20:16 IST
Facebook Share Twitter Share WhatsApp Share Telegram Share Link Share

చట్టాన్ని ఉల్లంఘించిన బలగాలపై చర్యలు

శ్రీనగర్‌: జమ్మూకశ్మీర్‌లోని షోపియాన్‌లో ఈ ఏడాది జులైలో జరిగిన ఓ ఎన్‌కౌంటర్‌ విషయంలో తమ బలగాలు చట్టాన్ని ఉల్లంఘించాయని ఆర్మీ పేర్కొంది. సాయుధ దళాల ప్రత్యేకాధికారాల చట్టం (ఏఎఫ్‌ఎస్‌పీఏ) ఉల్లంఘనకు పాల్పడ్డాయని పేర్కొంది. ఈ మేరకు వారిపై క్రమశిక్షణ చర్యలకు ఆదేశించినట్లు ఓ ప్రకటనలో తెలిపింది.

ఈ ఏడాది జులై 18న షోపియాన్‌లో జరిగిన ఎన్‌కౌంటర్‌లో ముగ్గురు ఉగ్రవాదులు చనిపోయినట్లు ఆర్మీ పేర్కొంది. చనిపోయిన ఆ ముగ్గురూ రాజౌరీ జిల్లాకు చెందిన కూలీలుగా తర్వాత తేలింది. సోషల్‌ మీడియా పోస్టుల ద్వారా వెలుగుచూసిన ఈ విషయంపై ఆర్మీ విచారణకు ఆదేశించింది. ప్రాథమిక విచారణ ప్రకారం ఎన్‌కౌంటర్‌ సమయంలో ఏఎఫ్‌ఎస్‌పీఏ 1990, ఆర్మీ చీఫ్‌ నిర్దేశించిన నియమాలను ఉల్లంఘించాయని తేలినట్లు ఆర్మీ తెలిపింది. దీంతో ఆర్మీ చట్టం కింద క్రమశిక్షణ చర్యలకు ఆదేశించినట్లు పేర్కొంది. అయితే ఎంతమందిపై చర్యలు తీసుకునేదీ వెల్లడించలేదు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని