close

తాజా వార్తలు

Published : 13/07/2020 01:04 IST
Facebook Share Twitter Share WhatsApp Share Telegram Share

ఇంకెప్పుడు మేల్కొంటారు?: కపిల్‌ సిబల్‌

దిల్లీ: రాజస్థాన్‌లోని కాంగ్రెస్‌ ప్రభుత్వంలో వేడి రాజుకున్న వేళ ఆ పార్టీ సీనియర్‌ నేత కపిల్‌ సిబల్‌ అధినాయకత్వంపై అసంతృప్తి వ్యక్తం చేశారు. ఈ విషయంలో చురుకుగా వ్యవహరించాలని పార్టీని కోరారు. రాజస్థాన్‌ ముఖ్యమంత్రి అశోక్‌ గహ్లోత్‌పై అసంతృప్తితో కొంతమంది ఎమ్మెల్యేలతో కలసి సచిన్‌ పైలట్‌ హస్తినకు చేరుకున్న నేపథ్యంలో కపిల్‌ సిబల్‌ ట్వీట్‌ చేశారు.

‘‘మన గుర్రాలు కళ్లెం తెంపుకొని వెళ్లిపోయాక మేల్కొందామా?’’ అంటూ ఘాటుగా స్పందించారు. తన బాధ అంతా తమ పార్టీ గురించేనని పేర్కొన్నారు. మధ్యప్రదేశ్‌లో జ్యోతిరాధిత్య సింథియా తిరుగుబాటుతో అక్కడ కాంగ్రెస్‌ ప్రభుత్వం కూలిపోయిన సంగతి తెలిసిందే. అప్పట్లో కాంగ్రెస్‌ అధినాయకత్వం చురుగ్గా వ్యవహరించలేకపోయిందన్న విమర్శలను మూటగట్టుకుంది. ఇప్పుడు రాజస్థాన్‌లో సచిన్‌ పైలట్‌ వ్యవహారంలోనూ అదే రీతిలో పరిణామాలు జరుగుతున్న వేళ ఇప్పటికైనా పార్టీ అగ్రనాయకత్వం మేల్కోవాలంటూ కపిల్‌ సిబల్‌ ట్వీట్‌ చేయడం గమనార్హం.



Tags :

రాజకీయం

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని