Corona: బలగాలకు అత్యవసర అధికారాలు
close

తాజా వార్తలు

Published : 30/04/2021 22:40 IST
Facebook Share Twitter Share WhatsApp Share Telegram Share Link Share

Corona: బలగాలకు అత్యవసర అధికారాలు

దిల్లీ: దేశంలో కరోనా ఉద్ధృతంగా వ్యాపిస్తున్న వేళ సాయుధ దళాలకు కేంద్రం అత్యవసర ఆర్థిక అధికారాలను కల్పించింది. దీనిద్వారా వైద్యసేవలు అందించేందుకు అవసరమైన పరికరాలను, వసతులను సమకూర్చుకునేందుకు సైన్యానికి వెసులుబాటు లభించనుంది. రెండో దశలో కరోనా వైరస్‌ వ్యాప్తి అధికంగా ఉన్న నేపథ్యంలో అవసరమైన చోట్ల సాయుధ బలగాల సేవలను వినియోగించుకోవచ్చని కేంద్రం.. రాష్ట్రాలకు సూచించిన విషయం తెలిసిందే. ఆయా అవసరాల మేరకు రాష్ట్రాలతో కలిసి పని చేయాలని ఆర్మీ, నేవీ, ఎయిర్‌ఫోర్స్‌ ఉన్నతాధికారులకు కేంద్రం ఉత్తర్వులు జారీ చేసింది. తాజాగా వారికి కొన్ని అధికారాలు ఇస్తూ నిర్ణయం తీసుకుంది.

ఫలితంగా రాష్ట్రంతో సంబంధం లేకుండా కొంత సొమ్ము వెచ్చించి ప్రజలకు వైద్య సదుపాయాలను అందించేందుకు సైన్యం కొన్ని ఏర్పాట్లు చేసుకునే వీలుంటుంది. ప్రస్తుత పరిస్థితుల్లో క్వారంటైన్‌ కేంద్రాల ఏర్పాటు, వైద్యపరికరాలు సమకూర్చుకోవడం తదితరాలకు అయ్యే ఖర్చులను కమాండ్‌ స్థాయి అధికారులే స్వయంగా ఖర్చు చేసే వీలు ఉంటుంది. ఈ మేరకు రక్షణ మంత్రి కార్యాలయం ట్విటర్‌లో వెల్లడించింది. ‘‘ కరోనా సంక్షోభ సమయంలో ఇండియన్‌ ఆర్మీ సేవలను మరింత బలోపేతం చేసేందుకు రక్షణ మంత్రి రాజ్‌నాథ్‌సింగ్‌ సాయుధ బలగాలకు అత్యవసర ఆర్థిక అధికారాలను ఇస్తూ నిర్ణయం తీసుకున్నారు’’ అని పేర్కొంది.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని